بۇل اقپاراتتى قالالىق پوليتسيا دەپارتامەنتى راستادى.
«اعىمداعى جىلدىڭ 1 قىركۇيەگىندە ساعات 07:35-تە 46 جاستاعى جۇرگىزۋشى Nissan Almera ماركالى اۆتوكولىگىن باسقارىپ, نۇر-سۇلتان - قاراعاندى تاس جولى مەن ارمانداستار كوشەسىنىڭ قيىلىسىندا سولعا بۇرىلعان كەزدە بتر 82-ا اسكەري كولىگىنە جول بەرمەدى. ناتيجەسىندە, جول-كولىك وقيعاسى ورىن الدى», دەپ حابارلادى ۆەدومستۆودان.
حابارلانعانداي, اپات سالدارىنان زارداپ شەككەندەر جوق. Nissan Almera ماركالى اۆتوكولىگىنىڭ جۇرگىزۋشىسىنە قاتىستى قر اقبك 610-بابى 1-بولىگى بويىنشا اكىمشىلىك ءىس قوزعالدى.
«پوليتسيا دەپارتامەنتى جارقىلداۋىق ماياكتارى مەن ارنايى دىبىس سيگنالى ىسكە قوسىلعان كولىك قۇرالدارى جاقىنداعان كەزدە باسقا جۇرگىزۋشىلەر سول كولىك قۇرالدارىنىڭ كەدەرگىسىز ءوتۋىن قامتاماسىز ەتۋ ءۇشىن جول بەرۋ كەرەكتىگىن ەسكە سالادى», دەپ قورىتىندىلادى پوليتسيا.
