ەرلىك شەجىرەسى

اقجايىق اۋدانىنىڭ اكىمدىگى ۇلى جەڭىستىڭ 65 جىلدىعىنا 500 دانامەن “مايدانگەرلەر” جانە 300 دانالىق “بوزداقتار” كىتابىن شىعاردى. بۇعان دەيىن اقجايىقتىقتار 2008 جىلى اۋدان ەنتسيكلوپەدياسىنىڭ تولىقتىرىلعان ءىى باسى­لىمىن, سونىمەن قاتار “جۇبان ەلى”, “اقجايىق ورەندەرى” اتتى ءتۇرلى-ءتۇستى دۇنيەلەردى جۇرتقا ۇسىنعان ەدى. مىنە, جاماعاتتى جادىراتقان ءىس جالعاسىن تاۋىپ وتىر. اۋدان اكىمى اباي يمانعاليەۆتىڭ باستاماسىمەن شىعارىلعان بۇل دۇنيەلەردە اۋدان جەڭىس ساربازدارىنىڭ عۇمىرنامالىق دەرەكتەرى, سيرەك فوتوسۋرەتتەرى, مەملەكەتتىك جانە وتباسىلىق مۇراعاتتاردان ماتەريالدار مولىنان قامتىلعان. ايتالىق, “مايدانگەرلەر” كىتابى 360 بەتتەن تۇرادى. مۇندا “اۋدان 1938-1945 جىلداردا”, “ەشكىم دە, ەشنارسە دە ۇمىتىلمايدى”, “قاناتىن وت شارپىعان قارلىعاش-حاتتار. ماقالالار”, “وبلىس بويىنشا كەڭەس وداعىنىڭ باتىرلارى”, “حالىق قاھارمانى” اتاعىنىڭ, ءى, ءىى, ءىىى دارەجەلى داڭق وردەندەرىنىڭ تولىق يەگەرلەرى”, “ەستەلىكتەر” اتتى تاراۋلار بار. سوعىس جىلدارى اسكەرگە اتتانعان 11209 جاۋىنگەردىڭ 4980-ءى ۇرىس دالاسىنان ورالمادى. كىتاپتاردا وتان ءۇشىن وتقا تۇسكەن جەڭىمپازداردىڭ ەرلىگى, ەڭبەگى, اماناتى كورىنىس تاپقان. تەمىر قۇسايىن, باتىس قازاقستان وبلىسى.