پاندەميانىڭ كەسىرىنەن ءماجبۇر بولعان قاشىقتان وقىتۋ ءبىلىم بەرۋ سالاسىنىڭ بەرەكەسىن قاشىرىپ, وقۋشىلاردىڭ ءبىلىم ساپاسىنا ايتارلىقتاي تەرىس ىقپالىن تيگىزگەنى بەلگىلى. سوندىقتان سالاداعى ولقىلىقتاردىڭ ورنىن تولتىرۋ ءۇشىن وقۋ ورداسىنداعى ءداستۇرلى وقىتۋعا ورالۋ وسى جىلدىڭ باستى مىندەتى بولدى. بۇل رەتتە ءبىلىم وشاقتارىنىڭ ىندەت وشاعىنا اينالماۋىنا باسا ءمان بەرىلەدى. ياعني كوروناۆيرۋس ينفەكتسياسىنىڭ قاۋپى سەيىلمەگەن قازىرگى كەزدە ءبىلىم بەرۋ ۇيىمدارى ءۇشىن ارنايى سانيتارلىق تالاپتاردى ساقتاۋ جۇمىستارى ۇيىمداستىرىلدى.
سونداي-اق وفلاين وقىتۋعا ورالعان جاڭا وقۋ جىلىندا ءداستۇرلى وقۋلىعىمىز – «الىپپەمىزدىڭ» ورالعانى باستى جاڭالىق بولدى. وقىرمانداردىڭ ەسىندە بولسا, وسىدان بەس جىل بۇرىن باس باسىلىمدا «الىپپە» نەدەن جازىقتى بولدى؟» اتتى ماقالا جارىقكورىپ, Egemen Qazaqstan گازەتى اتالعان وقۋلىققا العاش رەت اراشا تۇسكەن ەدى. وسىلايشا, وقۋ باعدارلاماسىنان شىعىپ قالعان«الىپپە» بيىلدان باستاپ جاڭا ۇلگىدە 1-سىنىپ وقۋشىلارىنا تاپسىرىلدى. ۇلت ۇستازى احمەت بايتۇرسىن ۇلىنىڭ ادىستەمەسى نەگىزىندە ازىرلەنگەن باس كىتاپ ءبىلىم ساپاسىنىڭ كوتەرىلۋىنە باستايدى دەپ ۇمىتتەنەمىز.
