ءبىلىم • 01 قىركۇيەك، 2021

نۇر-سۇلتاندا 8 مەكتەپ اشىلدى

100 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا وقۋشىلاردى وقۋ جىلىنىڭ باستالۋىمەن قۇتتىقتاپ، بۇگىن قالادا 8 جاڭا مەكتەپ اشىلعانىن حابارلادى، دەپ جازادى Egemen.kz.

فوتو: الەكساندر كۋپريەنكو

«قۇرمەتتى ۇستازدار، وقۋشىلار جانە اتا-انالار!

سىزدەردى جاڭا وقۋ جىلىنىڭ ءبىرىنشى كۇنىمەن قۇتتىقتايمىن! 1 قىركۇيەك – اتا-انالار مەن وقۋشىلار ءۇشىن ماڭىزدى كۇن. وقۋ جىلىن ءداستۇرلى وفلاين-فورماتتا باستايمىز. باعا ءۇشىن ەمەس، ءبىلىم الۋ ءۇشىن وقىڭىزدار! كۇندەلىكتى ەڭبەك پەن ءبىلىم ارقىلى بولاشاقتا ۇلكەن جەتىستىكتەرگە جەتە الاسىز! ەڭ باستىسى – وزىڭىزگە، ءوز كۇشىڭىزگە سەنۋ.

وقۋعا قولايلى جاعداي جاساۋ ءۇشىن جىل سايىن جاڭا مەكتەپتەر سالىپ جاتىرمىز. بيىل 15 مەكتەپ سالامىز، ولاردىڭ 8-ءى اشىلدى. جاڭا مەكتەپتەردىڭ قاتارىندا جەكە ينۆەستيتسيالار ەسەبىنەن سالىنعان مەكتەپتەر دە بار.

مىسالى، بۇگىن №23 ورتا مەكتەپتە ء(وندىرىس ەلدى مەكەنى، بايقوڭىر اۋدانى) بولدىم. مەملەكەت باسشىسىنىڭ تاپسىرماسىنا سايكەس مەكتەپتە جايلى كورپۋس سالىندى. جاڭا مەكتەپ ەكى اۋىسىمدا 1200 بالاعا ەسەپتەلگەن. جاڭا عيماراتتا روبوتوتەحنيكا، حيميا، بيولوگيا، فيزيكا، "STEM"، "ينتەللەكتۋم"، ينكليۋزيانى قولداۋ كابينەتتەرى جانە ت.ب. كابينەتتەر بار. پرەزيدەنت اتىنان مەكتەپكە اۆتوبۋس بەرىلدى.

سونداي-اق، بۇگىن №92 جاڭا مەكتەپكە باردىم (مايقايىڭ كوشەسى، الماتى اۋدانى). بۇل مەكتەپ 2400 وقۋشىعا ەسەپتەلگەن (ەكى اۋىسىمدا). مەكتەپتە حيميا، بيولوگيا، فيزيكا، روبوتوتەحنيكا، "STEM"، "ينتەللەكتۋم" جانە ت.ب. جاڭا موديفيكاتسياداعى بىرەگەي كابينەتتەر اشىلدى.

15 مەكتەپتىڭ قۇرىلىسى 40 مىڭنان استام وقۋشى ورنىن اشۋعا مۇمكىندىك بەرەدى. وتكەن جىلمەن سالىستىرعاندا وقۋشى ورىندارىنىڭ سانى 2 ەسەدەن ارتىق، ال 2019 جىلمەن سالىستىرعاندا 4 ەسەدەن ارتىق ۇلعايماق.

كەشەندى جوسپار اياسىندا 5 جىلدىق كەزەڭگە 67 مەكتەپ سالۋ جوسپارلانىپ وتىر. مەكتەپتەردى ءمجا اياسىندا جانە جەكە ينۆەستيتسيالار ەسەبىنەن سالىپ جاتىرمىز.

ينۆەستيتسيالىق كەڭەستەردە تۇرعىندار اراسىندا ۇلكەن سۇرانىسقا يە 30-دان استام جەكەمەنشىك وقۋ ورنىنىڭ قۇرىلىسىنا قولداۋ كورسەتتىك.

بارشاڭىزدى وقۋ جىلىنىڭ باستالۋىمەن قۇتتىقتايمىن! سىزدەرگە مىقتى دەنساۋلىق پەن ءبىلىم الۋدا قۇلشىنىس تىلەيمىن!» دەپ جازدى ەلوردا اكىمى.

سوڭعى جاڭالىقتار

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار