قىزىلوردا وبلىسى اۋماعىندا ءوتىپ جاتقان “قۇقىقتىق ءتارتىپ” جەدەل-پروفيلاكتيكالىق ءىس-شاراسى بارىسىندا 30 تامىز ساعات 22:30 شاماسىندا شيەلى اۋداندىق پوليتسيا ءبولىمىنىڭ قىزمەتكەرلەرىمەن تارتوعاي اۋىلىنىڭ تۇسىندا 35 جاستاعى اۋىل تۇرعىنىن توقتاتىپ, تەكسەرۋ كەزىندە وزىمەن بىرگە ءىىو تىركەۋدە جوق 16 كاليبرلى, ەكى ۇڭعىلى, ءنومىرسىز اڭشى مىلتىعىن الىپ كەلە جاتقانى انىقتالدى.
ءدال وسىنداي دەرەك سول كۇنى ورىن الدى. بالا بي اۋىلىنىڭ 42 جاستاعى تۇرعىنى دالالىق جەردە وزىمەن بىرگە ءىىو تىركەۋدە جوق 12 كاليبرلى, ەكى ۇڭعىلى اڭشى مىلتىعىن الىپ جۇرگەن.
انىقتالعان دەرەكتەر بويىنشا قازاقستان رەسپۋبليكاسى اكىمشىلىك قۇقىق بۇزۋشىلىق كودەكسىنىڭ 482-بابى 1-بولىگىمەن (Iشكi iستەر ورگاندارىندا تiركەلمەگەن تەگiس ۇڭعىلى, گازدى قارۋ مەن ولاردىڭ پاتروندارىن, سول سياقتى ەلەكترلى قارۋدى, ۇرلەمەلi قۋاتى 7,5 دجوۋلدان جوعارى, كاليبرi 4,5 ميلليمەتردەن اساتىن پنەۆماتيكالىق قارۋدى زاڭسىز يەلەنىپ الۋ, بەرۋ, وتكiزۋ, ساقتاۋ, الىپ ءجۇرۋ, تاسىمالداۋ) اكىمشىلىك حاتتامالار راسىمدەلىپ, سوتقا جولداندى.
