ۇكىمەت • 31 تامىز، 2021

رومان سكليار نەمىس كومپانيالارىنىڭ باسشىلارىمەن ونلاين-كەزدەسۋ وتكىزدى

49 رەت كورسەتىلدى

قازاقستان رەسپۋبليكاسى پرەمەر-ءمينيسترىنىڭ ورىنباسارى رومان سكليار نەمىس كومپانيالارىنىڭ باسشىلارىمەن كەزەكتى ونلاين-كەزدەسۋ وتكىزدى، دەپ حابارلايدى Egemen.kz.

كەزدەسۋ تاقىرىبى قورشاعان ورتانى قورعاۋ جانە سۋ رەسۋرستارى سالاسىنداعى ەكىجاقتى ەكونوميكالىق جوبالار بولدى.

نەمىس تاراپىنان گەرمانيا ەكونوميكاسىنىڭ شىعىس كوميتەتىنىڭ توراعاسى وليۆەر گەرمەس جانە گەرمانيا فەدەراتيۆتىك رەسپۋبليكاسىنىڭ سىرتقى ىستەر مينيسترلىگىنىڭ مەملەكەتتىك حاتشىسى بەرگەر ميگەل قاتىستى. ونلاين-كەزدەسۋگە Siemens، BASF، Henkel AG & Co. KgaA، WILO SE، LLP C. Spaarmann، Becker Mining Europe GmbH، Svevind Energy GmbH، Robert Bosch سياقتى 100-گە جۋىق جەتەكشى نەمىس كومپانيالارى قاتىستى.

ءوز سوزىندە رومان سكليار ونەركاسىپتىك ءوندىرىس، ماشينا جاساۋ، ەنەرگەتيكا، جاڭارتىلاتىن ەنەرگيا كوزدەرى جانە ت.ب. سالالارداعى بىرلەسكەن جوبالاردى ىسكە اسىرۋ ماسەلەلەرىندەگى تابىستى ىنتىماقتاستىقتى اتاپ ءوتتى، سونداي-اق قازاقستاندىق تاراپتىڭ ەكولوگيا جانە تابيعي رەسۋرستار ماسەلەلەرى بويىنشا ىنتىماقتاستىقتى جولعا قويۋعا دايىن ەكەندىگىن ءبىلدىردى.

نەمىس كومپانيالارى كليماتتىڭ وزگەرۋىنە قارسى كۇرەس، قالدىقتاردى جويۋ، ارال تەڭىزىنىڭ قۇرعاۋىنا بايلانىستى ەكولوگيالىق اپاتپەن كۇرەسۋ، سونداي-اق اۋىز سۋمەن قامتاماسىز ەتۋ سەكىلدى سالالاردا ىنتىماقتاستىق ورناتۋعا شاقىرىلدى.

كەزدەسۋ سوڭىندا پىكىرتالاس ءوتتى، وندا قاتىسۋشىلار اتالعان ماسەلەلەردى ىسكە اسىرۋ شارالارىن تالقىلادى.

 

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار