بۇل تۋرالى قىرعىزستان مەملەكەتتىك ۇلتتىق قاۋىپسىزدىك كوميتەتىنىڭ ءباسپاسوز قىزمەتى حابارلادى.
ۆەدومستۆو مالىمەتىنشە, 27 تامىزدا "چون-كاپكا – اۆتوجول" باقىلاۋ-وتكىزۋ بەكەتىندە شەكاراشىلار قىرعىزستانعا وڭ جاق ءرولدى Toyota Estima اۆتوكولىكتەرىن كىرگىزۋگە تىرىسقان ءۇش ادامدى ۇستادى. ولاردا قىرعىزستاننىڭ مەملەكەتتىك ءنومىرى بولعان.
كولىكتى زاڭسىز كىرگىزبەك بولدى دەگەن كۇدىكپەن ءبىر قىرعىزستاندىق پەن ەكى قازاقستاندىق قولعا ءتۇستى. بۇل فاكتى قىرعىزستان قىلمىستىق كودەكسىنىڭ 223-بابى 2-تارماعى 4-تارماقشاسى "ەكونوميكالىق كونتراباندا" بويىنشا تىركەلدى.
قازىر سىبايلاس جەمقورلىق سحەماسىنا قاتىسى بار لاۋازىمدى تۇلعالار توبى, سونىڭ ىشىندە "ۋناا" مەملەكەتتىك مەكەمەسىنىڭ قىزمەتكەرلەرى انىقتالىپ جاتىر.
ايتا كەتەيىك, قىرعىزستانعا وڭ جاق ءرولدى كولىكتەردى اكەلۋگە جانە تىركەۋگە 2015 جىلدان باستاپ تىيىم سالىنعان.
