ەكونوميكا • 27 تامىز، 2021

شاعىن جانە ورتا بيزنەس نەسيە العىسى كەلەدى

29 رەت كورسەتىلدى

ۇلتتىق بانك وكىلدەرىنىڭ حابارلاۋىنشا، 2021 جىلدىڭ ەكىنشى توقسانىندا شاعىن بيزنەس تاراپىنان نەسيەگە دەگەن سۇرانىس ءبىرشاما وسكەن. نەسيە وتىنىمدەرىنىڭ باسىم بولىگى جەكە كاسىپكەرلەر تاراپىنان كوبىنە مەملەكەتتىك باعدارلامالارعا قاتىسپايتىن بانكتەرگە كەلىپ ءتۇسىپتى.

ۇلتتىق بانك نەسيەلەۋ بو­يىنشا بانكتەر اراسىندا سا­ۋال­داما جۇرگىزىپ، نەسيە رەسۋرس­تا­رىنا دەگەن سۇرانىس پەن ۇسى­نىستىڭ نەگىزگى ۇردىستەرىن انىق­­تاۋ­عا تىرىسىپ كورگەن. قار­جىلىق تۇ­راقتىلىق جانە زەرتتەۋلەر دە­پار­تا­مەنتى ديرەك­تورىنىڭ مىن­دەتىن اتقا­رۋ­شى ولجاس كوبەن­باەۆتىڭ ايتۋىنشا، II توقساندا شاعىن بيزنەس تاراپىنان تۇسكەن وتىنىمدەردىڭ جالپى سانى I توقسانمەن سالىس­تىرعاندا 29 پا­يىزعا ءوسىپ، 155 مىڭدى قۇراعان.

ء«ىرى بانكتەردە نەسيەگە دەگەن سۇ­را­نىس ءىرى بيزنەس تاراپىنان تومەن­دە­گەنىمەن، بانكتەردىڭ كوپشىلىگى ورتا بيزنەستە سۇرا­نىس ارتقانىن اتاپ ءوتتى. ءىرى جانە ورتا بيزنەس تاراپىنان تۇسكەن نەسيە وتىنىمدەرىنىڭ سانى توق­سان ىشىندە جالپى ايت­قاندا 9 پا­يىزعا 1،3 مىڭعا دە­يىن ءوستى. بانكتەردىڭ بيزنەستى نەسيەلەۋگە دا­يىن­دىعى ارتتى. كاسىپكەرلىكتىڭ ءىرى جانە ورتا سەگمەنتىندەگى ماقۇلداۋ كوەف­فيتسيەنتتەرى ءوسىپ، وتكەن توقسان­دا­عى 55 پايىز جانە 57 پايىزبەن سا­لىس­تىرعاندا، تيىسىنشە 62 پايىز جانە 76 پا­­­يىزدى قۇرادى» دەيدى و.كوبەن­باەۆ.

الايدا مەملەكەتتىك باعدار­لا­ما­لار­عا قاتىسۋشى بانكتەرگە شاعىن بيزنەس تاراپىنان تۇسكەن نەسيە وتىنىم­دە­رى­نىڭ ماقۇلداۋ ۇلەسى 24 پايىز بولعان. بۇل كورسەتكىش ءبىرىنشى توقساندا 31، بىلتىرعى ءتورتىنشى توقساندا 76 پا­يىز بولعان ەدى. ازىرگە بانكتەر نەسيەلەۋ تالاپتارىن وزگەرتۋدى جوسپارلاپ وتىر­عان جوق. ولار ءۇشىنشى توقساندا كا­سىپكەرلىكتىڭ بارلىق سەگمەنتى تاراپىنان سۇرانىس ارتادى دەپ كۇتەتىنىن جاسىرمايدى.

«2021 جىلدىڭ II توقسانىندا يپو­تەكالىق نەسيەلەۋگە دەگەن سۇرا­نىس­تىڭ ارتۋى – «باس­پا­نا حيت» باع­دارلاماسى بو­يىنشا بولىنگەن ليميت­تەر­دى يگەرۋدىڭ اياقتالعانى تۋرالى حا­­بارلاندىرۋمەن جانە حا­لىق­تىڭ تۇر­عىن ءۇي ساتىپ الۋ نە­مەسە جوندەۋ ماقساتىندا زەينەتاقى جيناقتارىن قول­دانۋ باعدارلاماسىنا دەگەن قىزى­عۋ­شىلىعىنىڭ جالعاسۋىمەن بايلانىستى. يپوتەكالىق نەسيەلەر بويىنشا وتىنىمدەر سانى 30 پايىزعا ءوسىپ، 97 مىڭدى قۇرادى، ال ماقۇلداۋ ۇلەسى II توقساندا 74-تەن 78 پايىزعا دەيىن ۇلعايدى»، دەدى دەپارتامەنت وكىلى.

رەسپوندەنتتەردىڭ اقپاراتى بويىنشا، ماركەتينگتىك اكتسيا­لار وتكىزۋ جانە پايىزدىق مول­شەر­لەمەلەردىڭ وزگەرۋى كە­پىل­سىز تۇتىنۋشىلىق نەسيەلەر مەن اۆتونەسيە بويىنشا سۇرا­نىس­­تىڭ وسۋىنە وڭ اسەر ەتىپ­تى. ەسەپتىك توقساندا ولار بويىنشا وتىنىمدەر سانى 31 جانە 11 پايىزعا ءوسىپ، ماقۇلداۋ ۇلە­سى 47 جانە 14 پايىزدى قۇ­را­عان. سونىمەن قاتار جەكەلەگەن بانك­تەردەگى كليەنتتەردىڭ تولەم قابىلەتتىلىگىنە قو­يىل­عان جوعارى تالاپتار كەپىل­مەن قام­تا­ماسىز ەتىلگەن تۇتىنۋ­شىلىق نەسيەلەرگە دەگەن سۇرا­نىس­تى ءبىرشاما ازايتتى.

بانكتەردىڭ بولشەك نەسيەلەر بەرۋگە دايىندىعى بۇرىنعى قال­­­پىن­دا قالدى. سونىمەن قا­­تار تۇتىنۋ­شى­لىق نەسيە شار­تىندا سىياقى مول­شەرلە­مە­سىنىڭ تومەندەۋى، نەسيە وتەۋ­دە­گى ەڭ ۇزاق مەرزىمنىڭ ۇلعايۋى جانە پايىز­دىق مولشەرلەمەگە قا­تىسى جوق كوميسسيالاردىڭ دا تومەندەۋى باي­قال­دى، دەيدى و.كوبەنباەۆ.

«كەلەسى توقساندا جەكە بانك­­تەر ءوز ونىمدەرى بويىنشا پا­يىز­دىق مول­شەر­لە­مەنى تو­مەن­دەتۋدى جوسپارلاپ وتىر جانە سايكەسىنشە، يپوتە­كا­لىق نەسيە­لەن­دىرۋگە دەگەن سۇرا­نىس­تىڭ ارتۋىن كۇتەدى»، دەدى ۇب وكىلى.

 

سوڭعى جاڭالىقتار

اۋعانستاندا جارىلىس بولدى

الەم • بۇگىن، 12:21

ۇقساس جاڭالىقتار