قالادا ماسالاردى جويۋ جۇمىستارىن نۇر-سۇلتان قالاسىنىڭ قورشاعان ورتانى قورعاۋ جانە تابيعاتتى پايدالانۋ باسقارماسىنىڭ «استانالىق دەزينفەكتسيا» جشس مەردىگەرلىك ۇيىمى جۇرگىزەدى.
قازىرگى ۋاقىتتا اشىق ستاتسيالارداعى دەزينسەكتسيالىق ءىس-شارالار ەلوردانىڭ ورتالىعىنان باستالىپ, قالانىڭ شەتىنە دەيىن جالعاسادى.
قالا ماڭىنداعى قورعانىس توسقاۋىلدارى ەلوردانىڭ شەت جاقتارىنان ماسالار مەن شىركەيلەردىڭ جاپپاي ۇشىپ كەتۋىنە جول بەرمەۋ ماقساتىندا تۇراقتى تۇردە جۇرگىزىلەدى. جۇمىستار ارنايى دەزينفەكتسيالىق ماشينالار مەن تەرموگەنەراتورلاردىڭ كومەگىمەن, قاۋىپسىزدىك شارالارىن ساقتاي وتىرىپ, ادامدار مەن جانۋارلارعا قاۋىپ توندىرمەيتىن حلورپيريفوس جانە مالاتيون بەلسەندى زاتىمەن ورگانوفوسفور قوسىلىستارى (وفق) كلاسىنىڭ ينسەكتيتسيدتىك پرەپاراتتارىن قولدانا وتىرىپ جۇرگىزىلەدى.
شىبىن-شىركەيدى جويۋ جۇمىستارىنا 150 دەزينفەكتور, 8 بيولوگ-ەنتومولوگ, 24 تەرموگەنەراتور, 150 موتورلى-رانتستى بۇرىككىشتەر, دەزينفەكتسيالىق قوندىرعىلارى بار دەزينفەكتسيالىق ماشينالار مەن موتوشاسسي جۇمىلدىرىلدى. بەسىنشى تۋر اياسىندا جالپى اۋدانى 667,92 گا بولاتىن تۇراقتى جانە ۋاقىتشا قالىپتاسقان تاياز سۋ ايدىندارىندا اۋقىمدى جۇمىستار جۇرگىزىلىپ جاتىر.
