الەمدەگى پاندەمياعا قاراماستان, قازاقستاننان 14,2 مىڭ ادام شەتەلگە كەتتى, بۇل وتكەن جىلعا قاراعاندا 29,3%-عا كوپ.
«2015 جىلدان باستاپ 2019 جىلعا دەيىن ەلدەن كەتكەندەردىڭ سانى ۇنەمى ءوسىپ وتىردى. 2020 جىلى شەكارالاردىڭ جابىلۋىنا بايلانىستى بۇل كورسەتكىش تومەندەسە دە, بيىل ەميگراتسيانىڭ ءوسۋ تەندەنتسياسى قايتا جانداندى», دەلىنگەن زەرتتەۋدە.
16 جاستان 59-62 جاسقا دەيىنگى ەڭبەككە جارامدى حالىق سانى 28,4%-عا, 3,7 مىڭ ادامعا دەيىن, زەينەتكەرلەر سانى 20,9%-عا, 519 ادامعا دەيىن قىسقاردى.
«وڭىرلەرگە كەلەتىن بولساق, ازاماتتاردىڭ باسىم بولىگى - 2,1 مىڭ ادام قاراعاندى وبلىسىنان كەتتى. بۇل وتكەن جىلعى كورسەتكىشپەن سالىستىرعاندا 37,5%-عا ارتىق. ەكىنشى جانە ءۇشىنشى قاتاردا شىعىس قازاقستان (1,8 مىڭ ادام, 12,6%) جانە پاۆلودار (1,5 مىڭ ادام, 18,8%) وبلىستارى ورنالاسقان. قىزىلوردا وبلىسىنان 32 ادام شەتەلگە قونىس اۋداردى», دەپ اتاپ ءوتتى ساراپشىلار.
قازاقستانعا كەلگەندەر سانى بويىنشا الماتى قالاسى كوش باستاپ تۇر. جارتى جىل ىشىندە وڭتۇستىك استاناعا 866 ادام كەلدى. بۇل بۇرىنعى كورسەتكىشكە قاراعاندا 0,9%-عا ارتىق. كوشباسشى وڭىرلەردىڭ ۇشتىگىنە ماڭعىستاۋ وبلىسى مەن شىمكەنت قالاسى كىرەدى.
