ەكونوميكا • 25 تامىز، 2021

ميلليونداعان شىعىنعا باتقان الماتىلىق كاسىپكەرلەر جۇمىس ىستەۋگە رۇقسات سۇرايدى

43 رەت كورسەتىلدى

بازارلار مەن ساۋدا ۇيلەرىنىڭ وكىلدەرى قاتاڭ شەكتەۋسىز جانە لوكداۋن­سىز جۇمىس ىستەگىسى كەلەدى. الماتىلىق كاسىپكەرلەردىڭ ايتۋىنشا، شەكتەۋسىز جۇمىس ىستەۋ ولارعا مەملەكەت الدىنداعى مىندەتتەمەلەرىن ورىنداۋعا مۇمكىندىك بەرەدى.

كوللاجدى جاساعان امانگەلدى قياس

الماتىدا ساۋدا سەكتورىندا، ونىڭ ىشىندە ويىن-ساۋىق ورتا­لىق­تارى، ساۋدا ۇيلەرى مەن ساۋدا جەلى­لەرىندە 115 مىڭنان اسا جەكە كاسىپ­كەر بار. ورتاشا العاندا ءبىر كاسىپكەر 2-3 ادامدى جۇمىسپەن قامتىپ وتىر. ياعني ورتاشا ەسەپپەن 280 مىڭنان اسا ادام وسى سالاداعى تابىسقا تاۋەلدى. مۇنداي كورسەتكىش الماتى قالاسى تۇرعىندارىنىڭ 15%-ىن قۇرايدى.

«بىزگە دەمالىس كۇندەرىندەگى لوكداۋن قيىنعا سوعىپ تۇر. اسىرەسە، جالعا الۋشىلاردىڭ جاڭا وقۋ جىلىنا ساتىپ العان تاۋارلارىن تولىق ساتۋى ماڭىزدى. ساتىپ الۋشىلاردىڭ نەگىزگى بولىگى دەمالىس كۇندەرى كەلەدى. كاسىپكەرلەردىڭ 90%-ىندا تۇتى­نۋ­شىلىق نەسيە بار، ال كىرىس تومەن­دەدى»، دەدى «وربيتا» ساۋدا ورتالى­عى­نىڭ ديرەكتورى ابزال يساكەەۆ.

ورتالىق باسشىسىنىڭ ايتۋىنشا، شاعىن جانە ورتا كاسىپكەرلەر – الماتى قالاسىنىڭ بەلسەندى تۇر­عىندارىنىڭ نەگىزگى بولىگى. ەگەر جاعداي وزگەرمەسە، مۇنداي قاتاڭ شارالاردان كەيىن بيزنەس قايتا قالپىنا كەلە المايدى. سوندىقتان الماتىلىق كاسىپكەرلەر شەكتەۋ شارالارىن جەڭىلدەتۋدى تالاپ ەتەدى.

«ەگەر جالعا الۋشىلاردىڭ كەم دەگەندە 70%-ى ۆاكتسينا السا، وندا Ashyq جۇيەسىمەن جۇمىس ىستەيتىن نىساندارعا دەمالىس كۇندەرى دە جۇمىس ىستەۋگە مۇمكىندىك بەرىلەدى دەگەن ەدى. بىزدە قىزمەتكەرلەردىڭ 90%-ى ۆاكتسينا العان، ەندىگى تاڭدا ولار بۇل جاعدايعا نارازى. ادامدار قازىردىڭ وزىندە ۇمىتسىزدىكتەن جولداردى جابامىز دەپ قورقىتۋدا، بىراق ءبىز جاعدايدى ءوز باقىلاۋىمىزعا الدىق. بىلتىر لوكداۋن بولدى، ءبىزدىڭ سالا ءبىراز شىعىنعا ۇشىرادى. سونىمەن قاتار دەزينفەكتسيالاۋشى زاتتارعا، تۋننەلدەرگە جانە باس­قا دا جابدىقتارعا – بارىنە بىل­­تىر شامامەن 27 ملن تەڭگە جۇم­­سا­دىق. ءوز كەزەگىندە شوب ءوز جۇمى­سىن سا­نيتارلىق نورمالار مەن تا­لاپ­­­تاردى ساقتاي وتىرىپ جۇرگىزىپ وتىر»، دەيدى «الاتاۋ» بازارى ديرەك­تورى­نىڭ ورىنباسارى الەكساندر كيم.

سونىمەن قاتار قازاقستان ساۋدا جىلجىمايتىن م ۇلىك دەۆەلوپەرلەر وداعىنىڭ توراعاسى الەكساندر رەۆين دەمالىس كۇندەرى ەنگىزىل­گەن لوكداۋنعا بايلانىستى ساۋدا ورتالىقتارى تابىسىنىڭ 50%-ىن الا المايتىنىن ايتتى. بازارلار ءۇشىن بۇل سوما ايىنا 10 ملن-نان 15 ملن تەڭگەگە دەيىن جەتەدى. ونىڭ ايتۋىنشا، قازاقستان ساۋدا جىلجىمايتىن م ۇلىك دەۆەلوپەرلەر وداعى ونى جالعا الۋشى بولىپ تابىلاتىن شاعىن جانە ورتا بيزنەس وكىلدەرىنە 30 ملرد تەڭگەگە دەيىن كومەك ۇسىنعان.

«ەگەر ءبىز قالاداعى كۇردەلى ەپي­دە­ميالىق جاعدايعا بايلانىستى وسىن­داي قاتاڭ شەكتەۋ شارالارىن ەن­گى­زۋگە ءماجبۇر بولساق، شەكتەۋلەر­دى ەن­گىزۋ كەزىندە مەملەكەتتىك قول­داۋ شا­را­لارىن ەسكەرۋدى سۇراي­مىز. سو­نى­مەن قاتار بيزنەس ءۇشىن، ەڭ الدىمەن كومەك الۋ عانا ەمەس، شەكتەۋسىز جۇمىس ىستەۋ وتە ماڭىزدى. كاسىپكەرلەر ءبىر دەمالىس كۇنى بۇكىل جۇمىس اپتاسىن الماس­تى­را­تى­نىن بىرنەشە رەت ايتقان. مۇم­كىن­دىگىنشە، كاسىپكەرلىكتى قولداۋ شاراسى رەتىندە ءبىز ASHYQ-تىڭ ادال قاتى­سۋ­شىلارىنىڭ، مىسالى، بازارلار، ساۋدا ۇيلەرى مەن ساۋدا-ويىن-ساۋىق ورتالىقتارىنىڭ جۇمىسىن دەما­لىس كۇندەرى شەكتەمەۋدى ۇسى­نا­مىز»، دەدى الماتى قالاسى كاسىپ­كەرلەر پالاتاسىنىڭ باسشىسى ايتۋار كوشمامبەتوۆ.

سونداي-اق ول «اتامەكەن» باسشى­لىعى كاسىپكەرلەردىڭ قىزمەتىنە قا­تىس­تى التى ۇسىنىس جىبەرگەنىن ايت­تى. وندا كەم دەگەندە ءبىر دەمالىس كۇنىندە جۇمىس ىستەۋگە رۇقسات بەرۋ قاراس­تىرىلعان. سونىمەن قاتار قىز­مەتكەرلەردىڭ 90%-دان استا­مى ۆاكتسينا العان بيزنەستى ىنتا­لان­دىرىپ، ولاردى Ashyq كوشباس­شى­لارىمەن تەڭەستىرۋىن سۇرايدى.

 

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار