اقپارات الىسىمەن كورسەتىلگەن مەكەنجايعا تو پد ەسىرتكى قىلمىسىنا قارسى ءىس-قيمىل باسقارماسى مەن بايدىبەك اپب-نان تاجىريبەلى ءتارتىپ ساقشىلارى جەتكەن.
پوليتسەيلەر بىردەن جەدەل-ىزدەستىرۋ ءىس-شارالارىن جۇرگىزىپ, ناتيجەسىندە ەسىرتكى ساتۋ قىلمىسىنا قاتىستى كۇدىكتىنى قولعا ءتۇسىردى. ول اۋدان مەكتەپتەرىنىڭ بىرىندە قازاق ءتىلى پانىنەن ساباق بەرەتىن مۇعالىم بولىپ شىقتى. جەدەل ۋاكىلدەر ۇستالعان ادامنىڭ تۇرعىلىقتى مەكەنجايىن ءتىنتۋ كەزىندە ونىڭ اسحاناسىنداعى شكافتىڭ ۇستىنەن 10 دانا بولەك پاكەتتەرگە سالىنعان حوش ءيىستى, جاسىل ءتۇستى, ەسىرتكىگە ۇقساس زاتتى تاۋىپ, تاركىلەپ الدى. سونىمەن قاتار اتالمىش اسحانانىڭ شاتىرىنىڭ ۇستىنەن, اق ءتۇستى قاپقا سالىنعان ەسىرتكى زاتىنا ۇقساس جاسىل ءتۇستى زات تاپقان. تابىلعان زاتتارعا ساراپتاما تاعايىندالدى. ساراپتاما قورىتىندىسىمەن كۇدىكتىدەن الىنعان زاتتاردىڭ جالپى سالماعى 3 كەلىدەن استام “كەپتىرىلگەن ماريحۋانا” بولىپ شىقتى. تەرگەۋ بارىسىندا كۇدىكتى ەسىرتكى زاتتارىن ساتۋ ءۇشىن ءبولىپ, پاكەتتەرگە سالعانىن مويىندادى.
اتالعان جايتتى پوليتسيا قىزمەتكەرلەرى سدتبت-عا قر قك-ءنىڭ 297-بابى (ەسىرتكى قۇرالدارىن, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, ساتىپ الۋ, ساقتاۋ, تاسىمالداۋ, جونەلتۋ نەمەسە وتكىزۋ) بويىنشا تىركەدى. كۇدىكتى قاماۋعا الىندى.
«سوتقا دەيىنگى تەرگەۋ امالدارىن جان-جاقتى جۇرگىزدىك. كۇدىكتىدەن بارلىق ايعاقتى زاتتار تاركىلەندى. ساتۋعا, ساقتاۋعا, وتكىزۋگە, قولدانۋعا زاڭمەن تىيىم سالىنعان زاتتى ساتۋ قىلمىسىن سوڭىنا جەتكىزۋ باعىتىندا قارقىندى قىزمەت اتقاردىق. جيناقتالعان ءىس-قۇجاتتارىن ايىپتاۋ اكتىسىمەن اۋداندىق سوتقا جولدادىق. سوتتىڭ ۇكىمىمەن 47 جاستاعى كۇدىكتى قر قك-ءنىڭ 297-بابىمەن كىنالى دەپ تانىلىپ, وعان 10 جىل مەرزىمگە باس بوستاندىعىنان ايىرۋ جازاسى تاعايىندالدى», دەدى تەرگەۋشى اسقار شۋباي.
