شقو بويىنشا قاجد ءباسپاسوز قىزمەتىنىڭ مالىمەتىنشە, ەر ادام ايەلىمەن اجىراسقاننان كەيىن كامەلەتكە تولماعان ۇلدارىن اسىراۋ ءۇشىن تابىسىنىڭ ۇشتەن ءبىر بولىگىن اليمەنت رەتىندە تولەۋگە مىندەتتى بولعان. الايدا ول ەكى جىل بويى اقشا بەرمەي, قارىزى 1 ميلليون تەڭگەگە جەتكەن.
«اليمەنت تولەۋدەن جالتارعان اكە 1 جىل مەرزىمگە باس بوستاندىعىنان شەكتەلىپ, وعان پروباتسيالىق باقىلاۋ تاعايىندالدى. ەندى سوتتالعان ازامات تۇراقتى جۇمىس تاۋىپ, اليمەنت تولەمەسە ءماجبۇرلى ەڭبەككە تارتىلادى. جازا ادامدى قارىزدان بوساتپايدى. ەڭبەككە تارتۋ – ادامدى تاربيەلەۋدىڭ ءبىر قۇرالى عانا», دەيدى شقو بويىنشا قاجد سول جاعالاۋ اۋداندىق پروباتسيا قىزمەتىنىڭ ينسپەكتورى قايرات قايناروۆ.
سونىمەن قاتار سوتتالعانعا جازانى وتەۋدەن قاساقانا جالتارعان جاعدايدا باس بوستاندىعىن شەكتەۋ سول مەرزىمگە باس بوستاندىعىنان ايىرۋعا اۋىستىرىلاتىنى ءتۇسىندىرىلدى.
