وقيعا • 23 تامىز، 2021

شەكارادان 50 كەلى كۇمىس الىپ وتپەك بولعان ازامات ۇستالدى

40 رەت كورسەتىلدى

قازاق-قىرعىز شەكاراسىندا كونتراباندالىق جۇك تاسىمالداعان ازامات ۇستالدى، دەپ حابارلايدى Egemen.kz.

21 تامىزدا شەكاراشىلار «قاراسۋ» اۆتوموبيل وتكىزۋ پۋنكتىندە (جامبىل وبلىسى) «Mercedes-Benz» ماركالى اۆتوموبيل سالونىن تەكسەرۋ بارىسىندا وتىرعىشتىڭ استىنان پوليەتيلەن پاكەتتەرگە ورالعان كۇمىس بۇيىمدار جاسىرىلعان قۇپيا ورىندى انىقتادى. بريكەتتەردىڭ جالپى سالماعى – 50 كەلى 516 گرامم. بۇيىمداردىڭ الدىن الا باعالاۋ قۇنى 16 ملن تەڭگەنى قۇرادى.

اتالعان فاكت سدتبت-دا تىركەلدى. ۇستالعان ازامات جانە كونتراباندالىق جۇك ودان ءارى پروتسەسسۋالدىق ءىس-ارەكەتتەر جۇرگىزۋ ءۇشىن جامبىل وبلىسى بويىنشا ەكونوميكالىق تەرگەۋ دەپارتامەنتىنە جونەلتىلدى.

شەكارا قىزمەتى كونتراباندالىق جۇك تاسىمالداۋ ارنالارىن جابۋ بويىنشا قارقىندى ءىس-شارالاردى جالعاستىرۋدا.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار