شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, مالينوگورسك اۋىلدىق وكرۋگىندە ءشوپ ورتەنگەن.
«جالپى اۋدانى 40 گەكتارعا جەتكەن قىزىل جالىن ورمانعا دا جەتتى. قازىرگى ۋاقىتتا ورتكە ورانعان ورمان اۋماعى 4,2 گەكتاردى قۇراپ وتىر. وقيعا ورنىنا 6 ءورت ءسوندىرۋشى, جەرگىلىكتى اتقارۋشى ورگاننىڭ 50 قىزمەتكەرى, 5 ورمانشى جانە 3 تەحنيكا جۇمىلدىرىلعان», دەپ حابارلادى ۆەدومستۆو وكىلدەرى.
سونداي-اق قوسىمشا كۇش رەتىندە اسۋبۇلاق كەنتىنەن 5, كوكپەكتى اۋىلىنان 4 ادام كەلە جاتىر. وسكەمەن قالاسىنان 20 قۇتقارۋشى جولعا شىعۋعا دايىندالۋدا.
