«كۇزەتشىلەردى ۇرىپ-سوعۋ بەينەجازباسى ءبىزدىڭ قىزمەتكەرلەرىمىزدىڭ وسى قىلمىسقا قاتىسى بار ەكەنىنە كۇمان تۋدىرمايدى. ءبىز ولاردى جۇمىستان شىعاردىق. كافەنىڭ بارلىق قىزمەتكەرلەرى جاۋاپقا تارتىلدى, ولار ءوز تاراپتارىنان بۇزاقىلىق ارەكەتتەرىن راستادى. زارداپ شەككەن ەكى كۇزەتشىدەن قىلمىستىق جاۋاپكەرشىلىككە تارتۋ تۋرالى ارىز ءتۇستى. ءبىز ساراپتاما تاعايىندادىق. ءبىز الداعى ۋاقىتتا دا بارلىق زاڭ بۇزۋشىلىقتارعا, ءتىپتى ءوز قاتارىمىزدا دا دەرەۋ ارەكەت ەتۋ ۇستانىمىن ۇستاناتىن بولامىز. بارلىق قىزمەتكەرلەر قىلمىستىق جاۋاپكەرشىلىككە تارتىلادى. كەشە ولار ۇستالىپ, ۋۇي-عا قامالدى», دەپ اتاپ ءوتتى سەرىك كۇدەباەۆ.
ەسكە سالا كەتسەك, 11 تامىز كۇنى تۇندە قاپشاعاي قالاسىنداعى كافەگە كىرە بەرىستە بىرنەشە ادام ەكى كۇزەتشىگە شابۋىل جاساعان بولاتىن. جەكپە-جەك سىرتقى بەينەباقىلاۋ كامەرالارىنا ءتۇسىپ, كەيىن كادرلار الەۋمەتتىك جەلىلەردە تارالدى. توبەلەس شىعارعانداردىڭ قاپشاعاي پوليتسيا ءبولىمىنىڭ جەدەل ۋاكىلدەرى ەكەندىگى حابارلاندى.
