ءبىزدىڭ ەلىمىزدە كادرلاردى دايارلاۋدىڭ بۇل ءتۇرى 2012 جىلدان باستاپ ەنگىزىلە باستادى. بۇل باعىتتا بىرقاتار جەتىستىك بار: نورماتيۆتىك اكتىلەردە «دۋالدى وقىتۋ» ۇعىمى بەكىتىلگەن, بعم بۇيرىقتارى قايتا قارالعان جانە شىعارىلعان, زاڭنامالىق دەڭگەيدە تەوريا مەن پراكتيكانىڭ تەڭگەرىمى بەكىتىلگەن, ياعني 40% تەوريالىق ساباقتار جانە 60% وندىرىستىك وقىتۋ مەن پراكتيكا, تەحنيكالىق جانە كاسىپتىك ءبىلىم بەرۋ وقۋ ورىندارىندا وسىنداي باعدارلامالاردى ىسكە اسىرۋ قاعيدالارى بەكىتىلگەن, وسى جۇيە بويىنشا وقىتىلاتىندارعا ەڭبەك ءوتىلى ەسەپتەلەدى, مامانداردى دايارلاۋ ءۇشىن وندىرىستىك بازانى قامتاماسىز ەتەتىن كاسىپكەرلەرمەن شارتتار جاسالدى.
بعم 2016 جىلعى 21 قاڭتارداعى №50 «دۋالدى وقىتۋدى ۇيىمداستىرۋ قاعيدالارىن بەكىتۋ تۋرالى» بۇيرىعىنا سايكەس دۋالدى وقىتۋعا قاتىسۋشىلار: مەنشىك نىسانىنا قاراماستان تەحنيكالىق جانە كاسىپتىك, ورتا بىلىمنەن كەيىنگى ءبىلىمنىڭ ءبىلىم بەرۋ باعدارلامالارىن ىسكە اسىراتىن وقۋ ورىندارى, مەنشىك نىسانىنا قاراماستان ۇيىمدار (كاسىپورىندار), ءبىلىم الۋشى – ستۋدەنت (تاعىلىمگەر), تىڭداۋشى.
دۋالدى وقىتۋدىڭ مىندەتتى كومپونەنتتەرى: دۋالدى وقىتۋ تۋرالى شارت, ۇيىممەن (كاسىپورىنمەن) كەلىسىلگەن دۋالدى وقىتۋدىڭ جۇمىس وقۋ جوسپارى, وندىرىستىك وقىتۋ مەن كاسىپتىك پراكتيكانى ىسكە اسىرۋ ءۇشىن جابدىقتالعان ۇيىمدارداعى (كاسىپورىندارداعى) وقۋ, جۇمىس ورىندارى جانە وقۋ وندىرىستىك ورتالىعى جاتادى, ۇيىمداردا (كاسىپورىنداردا) وندىرىستىك وقىتۋ مەن كاسىپتىك پراكتيكانىڭ تالىمگەرلەرى.
ال دۋالدى وقىتۋدى ۇيىمداستىرۋ پروتسەسىنە قاتىسۋشىلاردىڭ فۋنكتسيالارىنا توقتالساق, بىرىنشىدەن, ءبىلىم بەرۋ سالاسىنداعى ۋاكىلەتتى ورگان دۋالدى وقىتۋ بويىنشا وقۋ پروتسەسىن ۇيىمداستىرۋ ماسەلەلەرى بويىنشا كونسۋلتاتسيالىق كومەك كورسەتەدى, دۋالدى وقىتۋدى ۇيىمداستىرۋ مونيتورينگىن جانە دۋالدى وقىتۋ شەڭبەرىندە وزگە دە وكىلەتتىكتەردى جۇزەگە اسىرادى. ەكىنشىدەن, «اتامەكەن» ۇكپ دۋالدى وقىتۋ تۋرالى ۇشجاقتى شارتتار جاساسۋعا جاردەمدەسەدى, وڭىرلىك كاسىپكەرلەر پالاتالارىنىڭ جۇمىسىن ۇيلەستىرەدى, دۋالدى وقىتۋ شەڭبەرىندە وزگە دە وكىلەتتىكتەردى جۇزەگە اسىرادى.
تۇپقاراعان گۋمانيتارلىق-تەحنيكالىق كوللەدجى – قازىرگى تاڭدا دۋالدى وقىتۋ جۇيەسىن وقۋ پروتسەسىنە ەنگىزگەن كوللەدجدىڭ ءبىرى. كوللەدج 2016 جىلى اشىلعان جىلدان باستاپ «مەكتەپكە دەيىنگى تاربيە جانە وقىتۋ» ماماندىعى «مەكتەپكە دەيىنگى ۇيىمداردىڭ تاربيەشىسى» بىلىكتىلىگى بويىنشا 25 ستۋدەنت دۋالدى وقىتۋ جۇيەسىمەن وقىتىلدى. اۋداندا ورنالاسقان بىردەن-ءبىر كوللەدج بولعاندىقتان, الەۋمەتتىك سەرىكتەستەرمەن كەلىسىمشارتقا وتىرۋدا ەشقانداي كەدەرگى بولعان ەمەس. ءار وقۋ جىلى سايىن ەڭ بولماعاندا ءبىر ماماندىق دۋالدى وقىتۋ جۇيەسىمەن وقىتىلۋدا. ءۇش جىلعى مونيتورينگكە سايكەس كوللەدجدىڭ دۋالدى وقىتۋ جۇيەسى بويىنشا كورسەتكىشتەرى جىل سايىن ارتىپ كەلەدى. دۋالدى وقىتۋ جۇيەسى بويىنشا ءبىلىم الۋشىلارعا ساباق بەرەتىن ارنايى ءپان وقىتۋشىلارى الەۋمەتتىك سەرىكتەس مەكەمەلەردەن تاعىلىمدامادان جىل سايىن وتۋدە. «اتامەكەن» ۇلتتىق كاسىپكەرلەر پالاتاسىنا دۋالدى وقىتۋ تۋرالى كەلىسىمشارتتار, ستۋدەنتتەر ءتىزىمى سايكەستەندىرىلىپ, رەەسترعا تىركەلدى.
دۋالدى جۇيەمەن وقىتىلعان تۇلەكتەردىڭ جۇمىسقا ورنالاسۋ كورسەتكىشى جوعارى بولادى. ويتكەنى وقۋ بارىسىندا وندىرىسپەن تىعىز بايلانىستا بولعان ستۋدەنت جۇمىس بەرۋشىنىڭ تالاپتارىنان قورىتىندى شىعارىپ, تاجىريبە جيناقتايدى. دۋالدى جۇيە بويىنشا وقىتۋ ءبىلىم الۋشىلاردىڭ كاسىبي بىلىكتەر مەن داعدىلاردى, ىسكەرلىكتەردى تىكەلەي جۇمىس ورنىندا مەڭگەرىپ, جان-جاقتى كاسىبي دامۋىنا مۇمكىندىك بەرىپ, ءتۇرلى جۇيەلەردىڭ – ءبىلىم, عىلىم, ءوندىرىستىڭ ءوزارا بايلانىسىن, ءوزارا اسەرىن, ءوزارا كىرىگۋىن قامتاماسىز ەتۋ ارقىلى كاسىپتىك ءبىلىم بەرۋ جۇيەسىنىڭ ساپاسىن ارتتىراتىنى ءسوزسىز.
اينۇر سۇلتانعالي,
تۇپقاراعان گۋمانيتارلىق-تەحنيكالىق كوللەدجى باسشىسىنىڭ مىندەتىن اتقارۋشى
