2021 جىلعى 17 تامىزدا شەكاراشىلار كۇنى قارساڭىندا ۇقك توراعاسى ۇلتتىق قاۋىپسىزدىك گەنەرال-لەيتەنانتى كارىم ءماسىموۆ الماتى وبلىسىنىڭ «بايانكول» شەكارا بولىمشەسىندە بولىپ, ۆەدومستۆونىڭ جەكە قۇرامى مەن ارداگەرلەرىن قۇتتىقتادى. وتاننىڭ قاسيەتتى شەبىن كۇزەتۋ جونىندەگى جاۋاپتى قىزمەتتە تابىس تىلەدى.
«مەملەكەتتىك شەكارانى سەنىمدى قورعاۋدى جانە كۇزەتۋدى قامتاماسىز ەتۋ - كوميتەتتىڭ ماڭىزدى مىندەتى جانە ەل باسشىلىعىنىڭ ءجىتى نازارىندا. جاڭا قاۋىپ-قاتەرلەر مەن سىن-تەگەۋرىندەردى ەسكەرە وتىرىپ, شەكارا قىزمەتىن رەفورمالاۋ جانە ۇلتتىق قاۋىپسىزدىك ورگاندارى جۇيەسىنە ينتەگراتسيالاۋ جۇرگىزىلدى», دەپ جازىلعان ۆەدومستۆونىڭ ءباسپاسوز حابارلاماسىندا.
1992 جىلى تاۋەلسىز قازاقستاننىڭ شەكارا قىزمەتىن قۇرۋ تۋرالى جارلىققا قول قويۋ قارساڭىندا تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆ الماتى وبلىسىنداعى «بايانكول» زاستاۆاسىندا بولدى.
