ەلباسىنىڭ بۇل جولعى جولداۋىندا ماڭىزدى ماسەلەلەر كوپتەپ كوتەرىلدى. جولداۋدىڭ ءار بولىمىندە ناقتى باعىتتار مەن ايقىن ماقساتتار كورىنىپ تۇر. بۇعان دەيىن «قازاقستان-2050» ستراتەگياسى قابىلدانعانى ءمالىم. وندا الەمدەگى ەڭ دامىعان 30 ەلدىڭ قاتارىنا قوسىلۋ باستى ماقسات ەتىپ قويىلعان. بۇگىنگى جولداۋدا سول ماقساتقا جەتۋدىڭ جولدارى مەن مەحانيزمدەرى, ءتۇرلى يىرىمدەرى مەن تەتىكتەرى كورسەتىلگەن. سەبەبى, دامىعان 30 ەلدىڭ قاتارىنا قوسىلۋ وتە قيىن ءارى اسقان جاۋاپكەرشىلىكپەن ەڭبەك ەتۋدى تالاپ ەتەتىن مىندەت.
ماۋلەن اشىمباەۆ,
ءماجىلىس دەپۋتاتى, حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى.
ەلباسىنىڭ بۇل جولعى جولداۋىندا ماڭىزدى ماسەلەلەر كوپتەپ كوتەرىلدى. جولداۋدىڭ ءار بولىمىندە ناقتى باعىتتار مەن ايقىن ماقساتتار كورىنىپ تۇر. بۇعان دەيىن «قازاقستان-2050» ستراتەگياسى قابىلدانعانى ءمالىم. وندا الەمدەگى ەڭ دامىعان 30 ەلدىڭ قاتارىنا قوسىلۋ باستى ماقسات ەتىپ قويىلعان. بۇگىنگى جولداۋدا سول ماقساتقا جەتۋدىڭ جولدارى مەن مەحانيزمدەرى, ءتۇرلى يىرىمدەرى مەن تەتىكتەرى كورسەتىلگەن. سەبەبى, دامىعان 30 ەلدىڭ قاتارىنا قوسىلۋ وتە قيىن ءارى اسقان جاۋاپكەرشىلىكپەن ەڭبەك ەتۋدى تالاپ ەتەتىن مىندەت.
دەسەم دە, مەملەكەت باسشىسى دامىعان 50 ەلدىڭ قاتارىنا بار-جوعى 21 جىلدىڭ كولەمىندە ەركىن ەنگەن ەلىمىز, بۇل مەجەنى دە باعىندىرا الاتىنىنا سەنىمدى.
نەگىزىنەن ەلىمىزدىڭ ەكونوميكاسىن جۇيەلى دامىتىپ, عىلىم مەن ءوندىرىستىڭ بىرىگۋىن, ءسويتىپ, وزىق تەحنيكا مەن تەحنولوگيالاردى ۇزدىكسىز جەتىلدىرىپ وتىرۋ ماسەلەلەرى كوپ ايتىلدى. مەملەكەتىمىزدىڭ ىرگەتاسى نىعايۋى ءۇشىن ەكونوميكامىز تۇراقتى ءارى مىقتى بولۋى كەرەك. سوندا عانا حالىقتىڭ الەۋمەتتىك جاعدايى دۇرىستالىپ, بەيبىت ءومىرىمىزدىڭ شىرقى ءار كەز باياندى بولادى. دەسەك تە, ەلباسى بۇگىنگى جولداۋىندا ۇلتتىق قۇندىلىقتارعا دا باسا نازار اۋداردى.
جولداۋدا مەملەكەت باسشىسى ماڭگىلىك ەل يدەياسىن كوتەردى. وندا ماڭگىلىك ەلدىڭ ەگەمەندىگىن تۇعىرلى ەتۋ ماسەلەسىنە نازار اۋداردى. مەملەكەتىمىزدىڭ بولاشاعىن دۇرىس باعدارلاپ, قازىرگى زامانداعى دامۋ ۇردىستەرىنەن قالىپ قويماي, الەمدەگى ءوزىمىزدىڭ لايىقتى ورنىمىزدى يەلەنۋگە ءتيىسپىز. ەندى بۇدان بىلاي تاۋەلسىزدىگىمىزدى, مەملەكەتتىگىمىزدى ءسات سايىن نىعايتا بەرۋىمىز كەرەك. يدەولوگيالىق جۇمىستاردى جەتىلدىرىپ, حالقىمىزدى ماڭگىلىك ەل يدەياسىنا جۇمىلدىرۋىمىز قاجەت. نەگىزى, ەلىمىز تاۋەلسىزدىك العان جىلداردان بەرگى باستى ماقساتىمىز – ماڭگىلىك ەل قۇرۋ بولاتىن. مەملەكەت باسشىسى بۇل جولداۋىندا ول ماقساتقا جەتۋدىڭ جولدارى مەن تەتىكتەرىن كورسەتىپ, كەزەڭدەرىن بەلگىلەپ بەردى. ەندى ۇكىمەت پەن پارلامەنت پالاتالارى, سونداي-اق, باسقا دا قوعامدىق ۇيىمداردىڭ ءبارى وسى ماڭگىلىك ەل يدەياسىنىڭ قاسىنان تابىلىپ, كەمەل كەلەشەك جولىنا جۇمىلۋى كەرەك.
