قاراعاندى تەاترى ورالدا

بۇل كۇندەرى باتىس قازاقستان وبلىستىق قازاق درا­ما تەاترىنىڭ عيماراتىندا قاراعاندى وبلىستىق س.سەيفۋل­لين اتىنداعى قازاق دراما تەاترىنىڭ گاسترولى وتۋدە. شالقار كولى جاعاسىندا دۇنيەگە كەلىپ, ورال قالا­سىنداعى س.سەيفۋللين اتىنداعى №11 مەكتەپتە ءبىلىم العان, قاراعاندى تەاترىنىڭ بۇگىنگى ديرەكتورى ءارى كور­­­كەم­دىك جەتەكشىسى, قازاقستاننىڭ ەڭبەك سىڭىرگەن ءارتىسى, مەملەكەتتىك سىيلىقتىڭ لاۋرەاتى كەڭەس جۇما­بەكوۆتىڭ ايتۋىنشا, تەاتر ۇلى جەڭىستىڭ 65 جىلدىعى­نا وراي وسىنىڭ الدىندا ۇلكەن قۇراممەن اتىراۋدا بولسا, ەندى ورالعا جول ءتۇسىپ وتىر. قاراعاندى تەاترىنىڭ 78 جىلدىق تاريحى بار. مۇندا كەزىندە قازاقستاننىڭ حالىق ارتىستەرى ءجاميلاش شاشكينا, ءاسيا ابلاەۆا, قاراعان­دىبەك ساتاەۆ سىندى ساحنا ساڭلاقتارى ەڭبەك ەتكەن. ودان كەيىن دە بىرنەشە بۋىن الماسقان تەاتر تەك قازاق­ستان عانا ەمەس, الىس-جاقىن شەت ەلدەردە دە ونەر كورسەتىپ كەلەدى. گاسترول شىمىلدىعى مۇحتار اۋەزوۆتىڭ “ايمان-شولپان” مۋزىكالىق كومەدياسىمەن (رەجيسسەرى – ەسمۇقان وباەۆ) اشىلدى. پرەمەراسى وتكەنىنە ەكى جىل تولا قوي­ماعان سپەكتاكلدە ايمان بەينەسىن بوتا ماقسۇتوۆا سومدا­سا, شولپاندى تاعى ءبىر جالىندى جاس ءارتىس بايان ءاۋ­كەشوۆا شىعاردى. قويىلىمداعى الۋان ءتۇرلى كەيىپكەر­لەردى دۋمان ەسپاەۆ, قايرات كەمالوۆ, سلامبەك جۇماعالي, نۇرجىبەك جانسۇگىروۆا جانە باسقالار ساحانا تورىنەن كورسەتتى. ورالدىقتاردى قاراعاندىلىقتار بۇدان كەيىن دە م.حاسەنوۆتىڭ ء“Hى-ءFى ماحابباتىمەن”, الىمبەك ورازبەكوۆتىڭ ء“بىر ءتۇپ الما اعاشىمەن” ءسۇلتانالى بالعاباەۆ­تىڭ “عاشىقتار بولمايتىن عاسىرىمەن” ساكەن ءجۇنىسوۆتىڭ “جارالى گۇلدەرىمەن” جانە وسپانحان اۋباكىروۆتىڭ بالالارعا ارناپ جازعان “قوجا مەن سپورت” ەرتەگىسىمەن سۋسىنداتتى. تەمىر قۇسايىن, ورال.