اسكەردەگى ازاماتتاردىڭ ارىزىن قابىلدايتىن سايت ىسكە قوسىلدى

اسكەري پوليتسيا باس باسقارماسىنىڭ دەرەگىنە سۇيەنسەك, «اسكەري سەنىم» جوباسى ارمياداعى قۇقىقتىڭ ءتارتىپتى قامتاماسىز ەتۋ, حابارلامالاردى قابىلداۋ, ەسەپكە الۋ جانە باقىلاۋ پروتسەسىن اۆتوماتتاندىرۋ, قۇقىق بۇزۋشىلىقتى جاساۋ فاكتىلەرىنە دەن قويۋ ساپاسى مەن جەدەلدىگىن ارتتىرۋ جانە ولاردان ساقتاندىرۋ, الدىن الۋ تۋرالى جاڭا اقپارات كوزدەرىن ەنگىزۋ ماقساتىندا ىسكە اسىرىلا باستاعان

«پايدالانۋشىلار اسكەري پوليتسيا ورگاندارىنا ەلەكتروندىق فورماتتا ورنى مەن ۋاقىتىنا, تەرگەۋ جۇرگىزىلۋىنە, سونداي-اق حابارلاناتىن مالىمەتتەردىڭ تولىقتىعىنا قاراماستان, جاسالعان نەمەسە جاساۋعا ارەكەتتەنىپ جاتقان كەز كەلگەن قۇقىق بۇزۋشىلىق تۋرالى تىكەلەي حابارلامالاردى جولداي الادى. سايتتىڭ موبيلدىك قوسىمشاسى دا بارلىق Android جانە IOS قۇرىلعىلارىنا ورناتىلىپ, بىرگە جۇمىس ىستەيدى. ارنايى قوسىمشانى askeri-senim.kz سايتىنان جۇكتەپ الۋعا بولادى», دەلىنگەن قر قورعانىس مينيسترلىگى تاراتقان حابارلامادا. 

قوسىمشا مەن سايتتى پايدالانۋشىلار جەكە كابينەت ارقىلى بەكىتىلگەن جاۋاپتى لاۋازىمدى تۇلعامەن جاسىرىن حات الماسىپ, ءوتىنىشتىڭ قارالۋ ستاتۋسى مەن جاۋاپتاردى باقىلاي الادى. ءوتىنىش ستاتۋسىنىڭ وزگەرگەنى, جاۋاپتى لاۋازىمدى ادامنىڭ تاعايىندالعانى جانە ونىڭ جاۋاپتارى تۋرالى وزەكتى دەرەكتەر ەلەكتروندىق پوشتاعا كەلىپ تۇسەدى.