63 جاستاعى گۋبەرناتور ءوزىنىڭ ۇندەۋىندە ايەلدەرگە زورلىق-زومبىلىق كورسەتپەگەنىن ايتتى. ول اينالاسىنداعى جاعدايدى «ساياسي نەگىزدەلگەن» دەپ اتادى.
«قازىر مەن قابىلدايتىن ەڭ دۇرىس شەشىم - وتستاۆكاعا كەتۋ جانە اكىمشىلىككە باسقارۋ مۇمكىندىگىن بەرۋ», دەدى ەندريۋ كۋومو.
ءوزىنىڭ مالىمدەمەسىندە گۋبەرناتور ءۇش قىزىنا جۇگىندى.
«مەن ولاردىڭ ايەلدەر تاراپىنا ەشقاشان قۇرمەت كورسەتپەگەنىمدى بىلگەنىن قالايمىن. اكەلەرىڭ قاتەلىك جىبەرسە, كەشىرىم سۇرايمىن», دەدى ول.
ەندريۋ كۋومونىڭ وتستاۆكاعا كەتۋى ەكى اپتادان كەيىن كۇشىنە ەنەدى. بۇل لاۋازىمدا ونى 62 جاستاعى كەيتي حوچۋل الماستىرادى. ول نيۋ-يورك شتاتىنىڭ العاشقى ايەل گۋبەرناتورى بولادى.
ولباني اۋداندىق پروكۋرورىنىڭ وكىلى سەسيليا ۋولشتىڭ ايتۋىنشا, گۋبەرناتور ەندريۋ كۋومونىڭ وتستاۆكاعا كەتۋى قىلمىستىق تەرگەۋدىڭ جالعاسۋىنا اسەر ەتپەيدى.
3 تامىزدا نيۋ-يورك شتاتىنىڭ باس پروكۋراتۋراسى 63 جاستاعى گۋبەرناتور ەندريۋ كۋومونى جىنىستىق زورلىق جاسادى دەپ ايىپتادى. پروكۋراتۋرا ەسەبىندە 11 ايەلدى قۋدالاۋ فاكتىلەرى تۋرالى ەسەپتەرى ەگجەي-تەگجەيلى سيپاتتالعان. تەرگەۋشىلەر بۇل حابارلامالاردىڭ بارلىعى ءار ءتۇرلى دارەجەدە راستالدى دەگەن قورىتىندىعا كەلدى.
گۋبەرناتور ەندريۋ كۋومونىڭ ءوزى ايىپتاۋلاردى جوققا شىعارادى.
اقش پرەزيدەنتى دجو بايدەن نيۋ-يورك شتاتىنىڭ گۋبەرناتورى ەندريۋ كۋومونى جىنىستىق زورلىق-زومبىلىق تۋرالى تاۋەلسىز تەرگەۋ ناتيجەلەرى جاريالانعاننان كەيىن قىزمەتىنەن كەتۋگە شاقىردى.
