دەنساۋلىق ساۋقتاۋ مينيسترلىگى اتالعان ۆاكتسينا جونىندە تولىق مالىمەت بەردى.
«قازاقستاندا كوروناۆيرۋستى تاراتپاۋ جونىندەگى ۆەدومستۆوارالىق كوميسسيا مەن دەنساۋلىق ساقتاۋ مينيسترلىگىنىڭ تاپسىرماسى نەگىزىندە بىرىڭعاي ديستريبيۋتور بەيجىڭ بيولوگيالىق ونىمدەر ينستيتۋتى ازىرلەگەن Covid-19-عا قارسى Sinopharm ۆاكتسيناسىنىڭ 4 ملن دوزاسىن ساتىپ الۋدى جۇزەگە اسىردى. Sinopharm قىتاي ۆاكتسيناسىنىڭ ءبىرىنشى پارتياسى 1 ملن دوزادان تۇرادى. Sinopharm ۆاكتسيناسى – جاقىن كۇندەرى قازاقستان ازاماتتارىنا كوروناۆيرۋس ينفەكتسياسىنا قارسى ۆاكتسينالاۋ ءۇشىن قولجەتىمدى بولاتىن ەلىمىزدە بەسىنشى تىركەلگەن ۆاكتسينا», دەلىنگەن ۆەدومستۆو حابارىندا.
ۆاكتسينانى ستيكەرلەۋ ءراسىمى اياقتالعاننان كەيىن دسم سانيتارلىق-ەپيدەميالىق باقىلاۋ كوميتەتىنىڭ رۇقسات قاعازىنا سايكەس جەدەل تارتىپتە ەلىمىزدىڭ وڭىرلەرىنە جىبەرىلەدى.
بىرىڭعاي ديستريبيۋتور يممۋنوبيولوگيالىق پرەپاراتتاردىڭ لوگيستيكاسىن GMP جانە GDP بارلىق ستاندارتتارىن, سونداي-اق «سۋىق تىزبەكتى» ساقتاي وتىرىپ جۇزەگە اسىرادى. Sinopharm ۆاكتسيناسىنىڭ ەرەكشەلىگى – ونى جەتكىزۋ پروتسەسى مۇزداتقىشتى قاجەت ەتپەيدى, +2 +8 گرادۋس تەمپەراتۋرادا ساقتالادى جانە تاسىمالدانادى.
قىتايدىڭ Sinopharm ۆاكتسيناسىن ددۇ 2021 جىلدىڭ 7 مامىرىندا قولدانۋعا ماقۇلدادى. ۆاكتسينا بەلسەندى ەمەس, ەكى دوزالى. ساقتاۋ مەرزىمى – 24 اي. شىلدەدە قىتايدىڭ Sinopharm كومپانياسىنىڭ كوروناۆيرۋسقا قارسى ۆاكتسيناسى COVAX ۆاكتسينالار بانكىنە كىردى. ۆاكتسينالار مەن يممۋنداۋدىڭ جاھاندىق اليانسى (GAVI) قىتايلىق Sinopharm كومپانياسىمەن كەلىسىم جاسايتىنىن جاريالادى.
بۇل – ددۇ-مەن قاۋىپسىز جانە ءتيىمدى دەپ جىكتەلگەن العاشقى قىتاي پرەپاراتى, 45 ەلدە ەرەسەكتەرگە ۆاكتسينالاۋعا رۇقسات ەتىلگەن. بۇگىنگى تاڭدا قىتايدان باسقا, ۆاكتسينا ءباا مەن سەربيادا وندىرۋگە ماقۇلداندى. سونىمەن قاتار قىتاي مەن ءباا قىتايدىڭ Sinopharm فارماكولوگيالىق كومپانياسىنىڭ بەلسەندى ەمەس ۆاكتسيناسىن 3 پەن 17 جاس ارالىعىنداعى بالالارعا شۇعىل قولدانۋدى ماقۇلدادى.
