تاعايىنداۋ • 10 تامىز، 2021

پاۆلودار وبلىسىنىڭ قۇرىلىس باسقارماسىنا جاڭا باسشى تاعايىندالدى

92 رەت كورسەتىلدى

پاۆلودار وبلىسىنىڭ قۇرىلىس باسقارماسىنا قادىلجان ساتيەۆ باسشىلىق ەتەدى، دەپ حابارلايدى Egemen.kz.

بۇل تۋرالى ءوڭىر اكىمدىگىنىڭ ءباسپاسوز قىزمەتى مالىمدەدى.

قادىلجان ساتيەۆ 1985 جىلى پاۆلودار قالاسىندا دۇنيەگە كەلگەن. 2007 جىلى پاۆلودار مەملەكەتتىك ۋنيۆەرسيتەتىن «ونەركاسىپتىك جانە ازاماتتىق قۇرىلىس جانە قالا شارۋاشىلىعى» ماماندىعى بويىنشا بىتىرگەن.

2013 جىلى الماتى ەكونوميكا جانە ستاتيستيكا اكادەمياسىن «ەكونوميكا جانە بيزنەس» ماماندىعى بويىنشا ءتامامدادى.

ەڭبەك جولىن 2005 جىلى «موتيۆ-بولاشاق» جشس-دا باستاعان. 2008 جىلدىڭ شىلدەسىنەن باستاپ «سترويماركەت» جشس-ءنىڭ قۇرىلىس ينجەنەرى بولىپ جۇمىس ىستەدى.

2009 جىلدىڭ اقپان ايىندا پاۆلودار وبلىسىنىڭ تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باس مامانى رەتىندە مەملەكەتتىك قىزمەتكە اۋىستى.

سەگىز جىلدان استام ۋاقىت وسى ۆەدومستۆودا باس مامان، ءبولىم باسشىسى جانە باسقارما باسشىسىنىڭ ورىنباسارى لاۋازىمدارىندا قىزمەت ەتتى. 2017 جىلعى شىلدەدە جەر قويناۋىن پايدالانۋ، قورشاعان ورتا جانە سۋ رەسۋرستارى باسقارماسىنىڭ باسشىسى بولىپ تاعايىندالىپ، جاڭا تاعايىنداۋعا دەيىن وسى لاۋازىمدا ابىرويلى قىزمەت اتقاردى.

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار