سقو ۆەتەريناريا باسقارماسىنىڭ مالىمەتىنشە, ەسىل اۋدانى بىرلىك اۋىلىندا تۇلكىنىڭ ولەكسەسى تابىلعان. وقيعا ورنىنا جەتكەن ماماندار ساراپتاما الىپ, جانۋاردىڭ قۇتىرما اۋرۋىنان ولگەنىن انىقتادى.
«قۇتىرما اۋرۋىنىڭ تىركەلۋىنە بايلانىستى اۋىلعا شەكتەۋ شارالارى ەنگىزىلدى. دەزينفەكتسيا جۇرگىزىلدى. يت-قۇسقا, مالعا جۇقپالى اۋرۋعا قارسى ۆاكتسينا ەگىلدى. قازىر جاعدايدى باقىلاۋدا ۇستاپ وتىرمىز. تۇلكىنىڭ ولەكسەسى ءساۋىر ايىندا تابىلعان ەدى. اۋىلدىق وكرۋگ اكىمىنىڭ شەكتەۋ شارالارىن ەنگىزۋ تۋرالى شەشىمى ادىلەت ورگاندارىندا ۇزاق ۋاقىت بويى تىركەۋدە جاتتى. سوندىقتان, بۇل شارالار ەندى عانا قولعا الىنىپ جاتىر», دەپ ءتۇسىندىردى سقو ۆەتەريناريا باسقارماسىنىڭ ءبولىم جەتەكشىسى قايىرلى قازانوۆ.
بيىل سقو-دا مال مەن ءۇي جانۋارلارىنىڭ قۇتىرما دەرتىنە شالدىعۋىنىڭ 11 دەرەگى تىركەلدى. جۇقپالى اۋرۋدىڭ الدىن الۋ ماقساتىندا 26 مىڭ مالعا ەكپە سالىندى. جىل سوڭىنا دەيىن تاعى 30 مىڭنان استام ءۇي جانۋارىنا ۆاكتسينا ەگىلمەك.
