ءبىر رەتتىك شپريتس

بۇل قۇرال اتىراۋدا شىعارىلا باستادى بۇرىن اتىراۋ ونەركاسىبىمەن تانىلعان ءوڭىر ەدى. ەندى مەديتسينا سالاسىندا كۇنىنە ءال­دە­نەشە رەت قولدانىلاتىن ءبىر رەتتىك شپريتستەر شىعارۋمەن اتى شىقپاق. وتكەن جىلى اتىراۋدا وسىنداي ءونىم شىعاراتىن زاۋىتتىڭ تەحنولوگياسىن قۇراستىرۋ باستالعان بولاتىن. ونى ىسكە اسىرعان “براندو” جشس-ءنىڭ  ديرەكتورى داۋلەت دوساليەۆتىڭ تۇسىندىرگە­نىندەي, زاۋىتتىڭ جىلدىق قۋاتى 250 ميلليون دانا شپريتس شىعارۋعا نەگىزدەلگەن. سۇرانىس  كوبەيگەن سايىن ونىڭ كولەمىن ەكى ەسەگە جۋىققا ارتتىرۋعا بولادى ەكەن. – ەلىمىز تاۋەلسىزدىك العاننان بەرگى كەزەڭدە سان ءتۇرلى ونىمدەر شىعارىلىپ جاتىر. ءبىر رەتتىك شپريتس ءوندىرۋ جوباسى  اتىراۋدا العاش رەت قولعا الىنىپ وتىر. بۇل –اتىراۋداعى ينۆەستيتسيالىق جوبالاردىڭ ءبىرى, –دەدى وبلىس اكىمى بەرگەي رىسقاليەۆ زاۋىتتىڭ شيكىزاتتى دايىنداۋدان ءونىم وندىرۋگە دەيىنگى  ۇدەرىسىمەن تانىسۋ كەزىندە. زاۋىت ديرەكتورى داۋلەت دوساليەۆتىڭ اي­تۋىنشا, ينۆەستيتسيالىق جوبانىڭ قۇنى 6 ميل­ليون اقش دوللارىن قۇرايدى. بۇل –وتاندىق ينۆەستوردىڭ قارجىسى. زاۋىتقا ءونىم ءوندىرۋ ءۇشىن قاجەتتى شيكىزاتتار كورەيا, بەلگيا, رەسەي ەلدەرىنەن اكەلىنگەن. شيكىزات العاشقى ساتىدا ارنايى اپپاراتپەن وڭدەلەدى. سونان سوڭ ءشپريتستىڭ قالىبى جاسالىپ, باسقا دا بولىكتەرى دايىندالادى. زاۋىتتا جۇمىس جاسايتىن 25 مامان مەديتسينالىق شپريتس ءوندىرۋدىڭ بارلىق ۇدەرىسىن قاتاڭ باقىلايدى.  ارنايى جابدىقتار ارقىلى شىعىپ جاتقان شپريتستەر قالىپتارىن ماماندار ميكروسكوپپەن تەكسەرىپ, جارامدىلى­عىنا كوز جەتكىزىپ بارىپ جيناقتاۋ تسەحىنا جىبەرەدى. سوڭىنان  3, 5, 10, 20 گرامدىق شپريتستەردىڭ بارلىق بولشەگى قۇراستىرىلىپ, زالالسىزداندىرۋ ماشينەسىندە 10 ساعاتقا دەيىن ساقتالادى. ماماندار ءشپريتستى وسىنداي زالالسىزداندىرۋدان سوڭ عانا پايدالانۋعا بولاتىنىن ايتادى. ءونىم ءوندىرۋ ۇدەرىسى تولىق اۆتوماتتاندىرىلعان. – بارلىق قوندىرعىلارى كورەيادان الىن­عان  بۇل زاۋىتتاعى بارلىق ۇدەرىستەر  حالىق­ارالىق ءىSO-9001 جانە ءىSO-14001 ستاندارت­تارىنا سايكەس اتقارىلادى. سول سەبەپتەن 6 ماماندى كورەياعا وقۋعا جىبەردىك. ولار سونداعى زاۋىتتا ءونىم ءوندىرۋ, جۇرگىزۋ, باسقارۋ تاسىلدەرى تەحنولوگياسىن مەڭگەرىپ كەلدى. ەندى ولار وسىنداعى مامانداردى ۇيرەتۋدە, –دەيدى ديرەكتور د. دوساليەۆ. زاۋىتتا كورەيا تەحنولوگتارى قازاقستاندىق ماماندارعا باعىت-باعدار بەرىپ, ءوز تاجىريبەلە­رى­مەن بولىسۋدە. سولاردىڭ ءبىرى چان ۋ لي قازاقستاندىق جاستاردىڭ جاڭا ماماندىقتى كورەيادا  جەدەل مەڭگەرىپ, ەندى جاڭا ءوندىرىس ور­نىندا تاجىريبە جيناقتاۋدا بىلىكتىلىك تانىتۋدا ەكەنىن ايتادى. مۇنداعى جۇمىسقا الىنعان­داردىڭ بارلىعى جەرگىلىكتى جاستار. ءبىر ساعاتتا 60 مىڭ دانا, جىلىنا 250 ميلليون دانا ءار مولشەردەگى شپريتستەردى شىعاراتىن زاۋىتتىڭ ەكولوگياعا زيانى جوق, دەيدى ماماندار. تەك شپريتس شىعارۋعا قاجەتتى شيكىزات –پوليپرو­پيلەن ازىرگە قازاقستاندا وندىرىلمەيدى. وسى ءونىمدى اتىراۋدان شىعاراتىن جوبالار كە­شەۋىلدەپ جاتىر. سول سەبەپتەن شيكىزات كورەيا, بەلگيا جانە رەسەي سەكىلدى الىس-جاقىن ەل­دەردەن الىنادى. سوعان قاراماستان 5 گرامدىق ءشپريتستىڭ وزىندىك قۇنى 5 تەڭگەدەن اسپايدى, وزگەلەرىنىڭ قۇنى مولشەرىنە بايلانىستى بۇدان ءسال قىمباتتاۋ بولادى, دەپ پايىم جاسايدى زاۋىت باسشىلارى. قازىر اتىراۋدا وندىرىلگەن وتاندىق شپريتس­تەردىڭ العاشقى لەگى ساراپتامادان وتۋدە. اتى­راۋ­داعى ءدارىحانالاردا وزگە ەلدەردەن, سونىڭ ىشىندە الىستاعى گەرامنيادان جەتكىزىلگەن 5 گرامدىق شپريتس 15 تەڭگەدەن ساتىلۋدا ەكەنىن ەسكەرسەك, تۇتىنۋشى ءۇشىن ءدال وسىنداي وتان­دىق ءونىمنىڭ باعاسى ودان الدەقايدا ارزانعا تۇسەدى. ونىڭ ۇستىنە اتىراۋدا شىعارىلاتىن شپريتستەر تۇرلەرىنىڭ ساپاسى حالىقارالىق تالاپتارعا تولىقتاي سايكەس كەلەدى. ەندەشە وتاندىق نارىقتا بۇل شپريتستەر ءوز ورنىن يەلەنە الاتىنىنا سەنىم بار. ءتىپتى الىس-جاقىن شەتەلدەر رىنوگىنا  شىعارۋدىڭ مۇمكىندىگى بولاتىندىعى دا داۋ تۋدىرمايدى. جولداسبەك شوپەعۇل.اتىراۋ وبلىسى.