بۇل تۋرالى ەرتىس اۋداندىق پوليتسيا ءبولىمىنىڭ باستىعى داۋلەت مولداباەۆ مالىم ەتتى.
«34 جاستاعى ەر ادام ماس كۇيىندە 22 جاستاعى مەدبيكەگە ادەپسىز سوزدەر ايتىپ, ءتىل تيگىزگەن. مەديتسينا قىزمەتكەرىن قورلاي وتىرىپ, اينالاسىنداعىلارعا قۇرمەتسىزدىك تانىتقان», دەدى داۋلەت مولداباەۆ.
ءتارتىپ بۇزۋشىعا قاتىستى قر اقبتك-ءنىڭ 434-بابى 1-بولىگى بويىنشا اكىمشىلىك ءىس قوزعالدى. ەرتىس اۋداندىق سوتى قۇقىق بۇزۋشىلىق جاساعانى ءۇشىن ەر ادامدى كىنالى دەپ تانىپ, ءۇش تاۋلىككە اكىمشىلىك قاماۋعا الىندى.
سونداي-اق سوت ەرتىس اۋدانىنىڭ تاعى ءبىر تۇرعىنىنا 5 اەك ايىپپۇل سالدى. 44 جاستاعى ەر ادام ءوزىنىڭ 58 جاستاعى جەرلەسىن بالاعاتتاعان.
ايتا كەتەرلىگى, جىل باسىنان بەرى وسىنداي قۇقىق بۇزۋشىلىق جاساعانى ءۇشىن 741 قۇقىق بۇزۋشى اكىمشىلىك جاۋاپكەرشىلىككە تارتىلعان.
