«قازاقستان پرەزيدەنتى قاسىم-جومارت توقاەۆتىڭ تاپسىرماسى بويىنشا قر توتەنشە جاعدايلار مينيسترلىگى سۋاعار قۇرىلعىلارى بار «قازاۆياقۇتقارۋ» اق-نىڭ مي-8 امت ەكى تىكۇشاعىن جانە قۇرامىندا 16 قۇتقارۋشى بار جەدەل توبىن ورمان ورتتەرىن سوندىرۋگە كومەك كورسەتۋ ءۇشىن تۇركيا رەسپۋبليكاسىنا جىبەردى», دەدى تالعات ءۋالي. قازاقستاندىق تىكۇشاقتار بۇگىن ۇشىپ شىقتى جانە ءۇش مەملەكەتتە ايالداپ, ولاردىڭ شەكاراسى ارقىلى تۇركيانىڭ مۇعلا قالاسىنا جەتەدى. جەدەل توپتى نۇر-سۇلتان قالاسىنىڭ اۋەجايىندا قر تجم ءبىرىنشى ۆيتسە-ءمينيسترى يبراگيم كۇلشىمباەۆ شىعارىپ سالدى.
ء«بىزدىڭ قۇتقارۋشىلارىمىزدىڭ جەرگىلىكتى تۇرىك بيلىگىمەن ءوزارا ءىس-قيمىلىن قازاقستاننىڭ تۇركياداعى ەلشىلىگى ۇيلەستىرەدى.
سونداي-اق, قازاقستان ورتەنگەن اۋماقتارداعى ورمان جامىلعىسىن قالپىنا كەلتىرۋگە گۋمانيتارلىق كومەك كورسەتۋگە نيەتتى. وتىرعىزىلعان ورمان قازاق جانە تۇرىك حالىقتارىنىڭ اراسىنداعى دوستىق پەن باۋىرلاستىق بايلانىستاردىڭ سيمۆولى بولادى», دەدى رەسمي وكىل.
