«قۇقىقتىق ءتارتىپ» جەدەل-الدىن الۋ ءىس-شاراسىن جۇرگىزۋ كەزىندە شەمونايحا قالاسى, «رۋبەج» ستاتسيونارلىق باقىلاۋ بەكەتىندە پوليتسيا قىزمەتكەرلەرى 58 جاستاعى ازامات باسقارىپ كەلە جاتقان «تويوتا» اۆتوكولىگىن توقتاتقان. قىزمەتتىك يت ءاۆتوموبيلدىڭ سالونىن تەكسەرۋ كەزىندە 43 جاستاعى جولاۋشىنىڭ قالتاسىنا تاياپ بارىپ, بەلگى بەرگەن.
تەكسەرۋ بارىسىندا وڭ قالتاسىنان وسىمدىك تەكتەس قوڭىر-جاسىل ءتۇستى تۇيىنشەك تاركىلەندى.
ساراپشىنىڭ قورىتىندىسى بويىنشا, الىنعان زات سالماعى 3,41 گرامم «كەپتىرىلگەن ماريحۋانا» ەكەن.
وسكەمەن قالاسىنىڭ 43 جاستاعى تۇرعىنى بۇل زاتتى شەمونايحا اۋدانى ۋست-تالوۆكا كەنتىنىڭ «ۋبا» وزەنىنىڭ جاعاسىنان ءوزى پايدالانۋ ءۇشىن ج ۇلىپ العانىن ءتۇسىندىردى.
اتالعان فاكتى بويىنشا قر قك-ءنىڭ 296-بابى 2-بولىگى بويىنشا سوتقا دەيىنگى تەرگەۋ باستالدى.
