«تەڭىزشەۆرويل» جشس ءباسپاسوز قىزمەتىنەن ءمالىم ەتكەندەي, قىزمەتكەرلەردىڭ دەنساۋلىعى مەن قاۋىپسىزدىگىن ساقتاۋ ءۇشىن وسىنداي شەشىم قابىلدانعان.
«وسىعان بايلانىستى «تەڭىزشەۆرويل» قىزمەتكەرلەر اراسىندا COVID-19 اۋرۋىنىڭ تارالۋىن ازايتۋ ءۇشىن 2021 جىلدىڭ 9 تامىزىنان باستاپ «تەڭىز» كەنىشىندەگى جەدەل ەمەس قىزمەتكەرلەردىڭ ۆاحتالىق اۋىسىمىن جانە قايتا موبيليزاتسياسىن ۋاقىتشا توقتاتادى. اتالعان ۋاقىتشا شارانىڭ «تەڭىز» كەنىشىندە جۇرگىزىلىپ جاتقان جوسپارلى جوندەۋ جۇمىستارىنا قاتىساتىن قىزمەتكەرلەرگە قاتىسى جوق» دەپ ءمالىم ەتتى كاسىپورىننىڭ ءباسپاسوز قىزمەتىنەن.
«تەڭىز» كەنىشىندە ۆيرۋستىڭ تارالۋىن بولدىرماۋ ءۇشىن قاۋىپسىزدىك شارالارى, ونىڭ ىشىندە قىزمەتكەرلەردى «بولەك جايعاستىرۋ» (تۇرعىن ۇيلەردە, كولىكتە جانە جۇمىس ورىندارىندا), پتر-سىناماسى مەن وقشاۋلاۋ شارالارى بۇرىنعىشا ساقتالادى.
«كەن ورنىنا جۇمىسقا تارتىلعان جۇمىسشىلار اراسىندا ۆاكتسينالاۋ باعدارلاماسى جالعاسىپ جاتىر. قازىر كوروناۆيرۋس ينفەكتسياسىنا قارسى ۆاكتسينانىڭ العاشقى كومپونەنتىن سالدىرعان قىزمەتكەرلەر سانى 45 000-نان استى. «تەڭىزشەۆرويلدىڭ» وندىرىستىك قىزمەتى ۇزدىكسىز جالعاسۋدا. كومپانيا كەلەشەك كەڭەيۋ-ۇڭعى ەرنەۋىندەگى قىسىمدى باسقارۋ جوباسىنا بايلانىستى جۇمىستاردى قاۋىپسىز ورىنداۋعا ەرەكشە ءمان بەرىپ وتىر» دەپ حابارلادى ءباسپاسوز قىزمەتى.
