نۇر-سۇلتان قالاسى بويىنشا 2017 جىلدىڭ 1 شىلدەسى مەن 2021 جىلدىڭ 31 شىلدە ارالىعىندا مەديتسينالىق ساقتاندىرۋ ءۇشىن جيناقتالعان جارنانىڭ جالپى سوماسى 81,3 ملرد تەڭگەنءى قۇرادى.
«2021 جىلدىڭ شىلدە ايىندا مەديتسينالىق ساقتاندىرۋ ءۇشىن ەلوردالىقتار 3,5 ملرد تەڭگە جارنا اۋدارعان. ونىڭ ىشىندە جۇمىس بەرۋشىلەردىڭ اۋدارىمدارى 1,6 ملرد تەڭگەدەن اسادى, ال جەكە كاسىپكەرلەردەن تۇسكەن جارنا 1,9 ملرد تەڭگەگە جۋىق. وسى جىلدىڭ 31 شىلدەسىندەگى جاعداي بويىنشا 12740 ادام بىرىڭعاي جيىنتىق ءتولەم(بجت) بويىنشا ءمامس-كە جارنا تولەگەن.
مىندەتتى الەۋمەتتىك مەديتسينالىق ساقتاندىرۋ ءۇشىن تۇسكەن بارلىق جارنا اۋدارىمدارى, ياعني جيناقتالعان قارجى,سەنىمگەرلىك باسقارۋ تۋرالى جاسالعان كەلىسىمشارتقا سايكەس, ۇلتتىق بانكتە ساقتالادىدا, مىندەتتى الەۋمەتتىك مەديتسينالىق ساقتاندىرۋ پاكەتى شەڭبەرىندەگى قىزمەتتەر اقىسىن تولەۋگە جۇمسالادى», دەيدى «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.
مەديتسينالىق ساقتاندىرۋ قورى پاتسيەنتتەر قۇقىعىن قورعايدى. قانداي دا ءبىر سۇراقتار تۋىنداعان جاعدايدا كەرى باي̆لانىس ارنالارى Qoldau 24/7 ءموبيلدى قوسىمشاسى, @saqtandyrybot تەلەگرامبوتى, 1406 باي̆لانىس ورتالىعى, قوردىڭ fms.kz ساي̆تى ارقىلى قورعا حابارلاسۋعا بولادى. الەۋمەتتىك مەديتسينالىق ساقتاندىرۋ قورى ءوتىنىشىڭىزدى قاراپ, ءتيىستى شارا قابىلدايدى.
