پرەزيدەنتتىڭ 2020 جىلعى «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىن, قازاقستان رەسپۋبليكاسىنىڭ 2025 جىلعا دەيىنگى ۇلتتىق دامۋ جوسپارىنىڭ جالپىۇلتتىق باسىمدىقتارىن, Nur Otan پارتياسىنىڭ «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىن جۇزەگە اسىرۋ ماقساتىندا دەنساۋلىق ساقتاۋ مينيسترلىگى 2021-2025 جىلدارعا جوسپارلانعان «سالاماتتى ۇلت» ازاماتتارعا ارنالعان ساپالى ءارى قولجەتىمدى دەنساۋلىق ساقتاۋ جۇيەسى» ۇلتتىق جوباسىن ازىرلەدى.
ۇلتتىق جوبا 4 باعىت جانە 8 مىندەتتى قامتىپ, 20 كورسەتكىش بويىنشا 83 ءىس-شارادان تۇرادى.
ءبىرىنشى باعىتتا «قولجەتىمدى جانە ساپالى مەديتسينالىق كومەك» اياسىندا حالىقتى دەنساۋلىق ساقتاۋ قىزمەتتەرىمەن كەڭىنەن قامتۋ, جۇكتى ايەلدەردىڭ جانە بالالاردىڭ دەنساۋلىعىن ساقتاۋعا ارنالعان مىندەتتەر بەلگىلەندى.
ەكىنشى باعىتتا «ەپيدەميولوگيالىق بولجاۋ جانە قارسى ارەكەت ەتۋدىڭ زاماناۋي جۇيەسىن قالىپتاستىرۋ» بويىنشا ينفەكتسيالىق اۋرۋلاردى ەپيدەميالىق قاداعالاۋدىڭ قازىرگى زامانعى مودەلىنە كوشۋ جانە حالىقتىڭ زاماناۋي, دالدىگى جوعارى زەرتحانالىق ساراپتاماعا قولجەتىمدىلىگىن كەڭەيتۋ ۇسىنىلادى.
«وتاندىق وندىرىستەگى قولجەتىمدى دارىلىك زاتتار مەن مەديتسينالىق بۇيىمدار» باعىتى بويىنشا فارماتسەۆتيكالىق جانە مەديتسينالىق ونەركاسىپتىڭ عىلىمي, كادرلىق الەۋەتىن ارتتىرۋ, دارىلىك زاتتار مەن مەديتسينالىق بۇيىمداردىڭ وتاندىق ءوندىرىسىن دامىتۋ جوسپارلانعان.
«سالاماتتى ءومىر سالتىن ۇستاناتىن حالىقتىڭ ۇلەسىن ارتتىرۋ جانە بۇقارالىق سپورتتى دامىتۋ» باعىتى بويىنشا قوعامنىڭ بارلىق ساناتتارىن دەنە شىنىقتىرۋمەن جانە بۇقارالىق سپورتپەن شۇعىلدانۋعا ىنتالاندىرۋ, تۇرعىنداردىڭ سپورت وبەكتىلەرىمەن قامتىلۋ دەڭگەيىن ارتتىرۋ بويىنشا ناقتى مىندەتتەر بەلگىلەندى.
م.شورانوۆ اتاپ وتكەندەي, «سالاماتتى ۇلت» ازاماتتارعا ارنالعان ساپالى ءارى قولجەتىمدى دەنساۋلىق ساقتاۋ جۇيەسى» ۇلتتىق جوباسى حالىق دەنساۋلىعىنا وڭ ىقپالىن تيگىزەتىن ەلەۋلى ناتيجەلەرگە قول جەتكىزۋگە, ينفراقۇرىلىمدى جاڭارتۋعا جانە بىرقاتار جۇيەلى ماسەلەنى شەشۋگە مۇمكىندىك بەرەدى.
