الەم • 05 تامىز، 2021

تاجىكستاندا قۇتقارۋشىلار مىنگەن تىكۇشاق اپاتقا ۇشىرادى

25 رەت كورسەتىلدى

تاجىك شەكارا قىزمەتىنىڭ قۇتقارۋ تىكۇشاعى اپاتقا ۇشىرادى، دەپ حابارلايدى Egemen.kz ريا نوۆوستي سايتىنا سىلتەمە جاساپ.

ەلدىڭ تۋروپەراتورلار قاۋىمداستىعىنىڭ حابارلاۋىنشا، تىكۇشاق ماسكەۋدەن كەلگەن جەتى ءتۋريستتىڭ ارتىنان ۇشىپ شىققان. ولار تاجىكستاننىڭ تاۋلى باداحشان اۆتونوميالىق وبلىسىنىڭ ۆانچسك اۋدانىنداعى پويمازور شاتقالىنداعى مۇزدىققا كوتەرىلگەن كەزدە بايلانىس ءۇزىلدى، دەپ جازادى ريا نوۆوستي.

«28 شىلدەدە 6 مىڭ مەتردەن استام بيىكتىكتە تۋريستەردىڭ ءبىرى كوشكىنگە ۇشىرادى. باسقالارى بۇل تۋرالى حابارلاپ ۇلگەردى، بىراق كوپ ۇزاماي بايلانىس اراسى ءۇزىلدى. ساپار ۇيىمداستىرۋشىلارى تۋروپەراتورلار قاۋىمداستىعى جانىنداعى تاۋ-كەن قۇتقارۋ ورتالىعىنان كومەك سۇرادى. 4 تامىزدا تاڭەرتەڭ قۇتقارۋشىلار تىكۇشاعى تۋريستەردى ىزدەۋگە شىعىپ، مۇزدىققا قونعان كەزدە اپاتقا ۇشىرادى. تىكۇشاق اپاتىنان ۇشقىش قازا تاۋىپ، ءتورت جولاۋشى جاراقات الدى»، دەدى اقپارات كوزى.

قوسىمشا قۇتقارۋشىلار توبى جاراقات العاندارعا كومەكتەسۋ جانە دۋشانبەدەن ۇشىپ شىققان تىكۇشاق قونۋعا بولاتىن قاۋىپسىز جەرگە كوشىرۋ ءۇشىن وقيعا ورنىنا بارادى.

جوعالعان رەسەيلىك تۋريستەردى ىزدەۋ جۇمىستارى جۇرگىزىلۋدە.

سوڭعى جاڭالىقتار

ۇقساس جاڭالىقتار