ۇكىمەت قاۋلىسىمەن جاناي وماروۆ قازاقستان رەسپۋبليكاسى مادەنيەت جانە اقپارات ۆيتسە-ءمينيسترى قىزمەتىنە تاعايىندالدى.
ۇكىمەت قاۋلىسىمەن جاناي وماروۆ قازاقستان رەسپۋبليكاسى مادەنيەت جانە اقپارات ۆيتسە-ءمينيسترى قىزمەتىنە تاعايىندالدى.
كەشە مادەنيەت جانە اقپارات ءمينيسترى مۇحتار قۇل-مۇحاممەد مينيسترلىك ۇجىمىنا, مينيسترلىككە قاراستى مەكەمەلەر مەن ۇيىمداردىڭ باسشىلارىنا جاڭا ۆيتسە-ءمينيستردى تانىستىردى. جاناي سەيىتجان ۇلى وماروۆ كەزىندە وسى مينيسترلىكتە دەپارتامەنت ديرەكتورى بولىپ جۇمىس ىستەگەنىن, ودان كەيىن ەلباسىنىڭ ءباسپاسوز حاتشىسى قىزمەتىن اتقارعانىن, «قازاقستان» تەلەراديو كورپوراتسياسىن, قازاق اقپارات اگەنتتىگىن, سوڭعى جىلداردا «كازاحستانسكايا پراۆدا» رەسپۋبليكالىق گازەتى» اكتسيونەرلىك قوعامىن بىلىكتىلىكپەن باسقارعانىن اتاپ ءوتتى. جاناي وماروۆ وزىنە كورسەتىلگەن سەنىم ءۇشىن العىس ايتىپ, ونى اقتاۋ ءۇشىن بار كۇش-جىگەرىن جۇمسايتىنىن جەتكىزدى.
قاي قىزمەتتە دە ابىروي بيىگىنەن كورىنىپ جۇرگەن ازاماتقا جاڭا جۇمىسىندا جاڭا تابىس تىلەيمىز.
«ەگەمەن-اقپارات».
