ء«بىزدىڭ وتانداستارىمىز Stipendium Hungaricum ستيپەنديالىق باعدارلاماسى بويىنشا وقيدى. بۇل ءتىزىمدى ماجار تاراپى ۇمىتكەرلەردىڭ ماماندىق تاڭداۋىنا دەگەن ىنتاسىنا, ولاردىڭ تەوريالىق ءبىلىمى مەن وقۋداعى نەمەسە تاڭداعان سالاسىنداعى جەتىستىكتەرىنە سۇيەنە وتىرىپ بەكىتتى. سونداي-اق اڭگىمەلەسۋ كەزىندە كانديداتتاردىڭ جەكە قاسيەتتەرى ەسكەرىلدى», دەپ اتاپ ءوتتى ءبىلىم جانە عىلىم مينيسترلىگى حالىقارالىق باعدارلامالار ورتالىعى پرەزيدەنتىنىڭ مىندەتىن اتقارۋشى دانيار مۇقيتانوۆ.
ستيپەندياتتار ماجارستاندا باكالاۆريات, ماگيستراتۋرا جانە دوكتورانتۋرا باعدارلامالارى بويىنشا قابىلداۋشى تاراپتىڭ ەسەبىنەن وقيدى. سونىمەن قاتار 70-تەن اسا ادامنان تۇراتىن رەزەرۆتىك ءتىزىم جاسالدى. بارلىق ۇمىتكەردىڭ ءتىزىمى حالىقارالىق باعدارلامالار ورتالىعىنىڭ رەسمي سايتىندا جاريالانعان.
وسى ورايدا ۇكىمەتارالىق كەلىسىمدەر اياسىندا 330 قازاقستاندىق الەمنىڭ جەتەكشى جوعارى وقۋ ورىندارىندا, ونىڭ ىشىندە ماجارستان, پولشا, قىتاي, ۋكراينا, سلوۆاكيا, ازەربايجان جانە ۆەتنام ۋنيۆەرسيتەتتەرىندە تەگىن وقي الاتىنىن ايتا كەتكەن ءجون.
«ەگەمەن-اقپارات»
