«2 تامىزدا ەۋروپالىق كوميسسيا ۆاتيكان مەن سان-مارينودا بەرىلگەن كوۆيد سەرتيفيكاتتارىنىڭ ەۋروپالىق ساندىق كوۆيد سەرتيفيكاتىنا تەڭ ەكەندىگىن قامتاماسىز ەتەتىن شەشىمدەردى بەكىتتى», دەلىنگەن اتقارۋشى ورگاننىڭ حابارلاماسىندا.
ەك كورسەتىلگەن سەرتيفيكاتتاردىڭ يەلەرى ولاردى ەو سەرتيفيكاتتارىنىڭ يەلەرى سياقتى شارتتاردا پايدالانا الاتىندىعىن ناقتىلادى.
سان-مارينو - رەسەيدىڭ «سپۋتنيك V» كوروناۆيرۋستىق ۆاكتسيناسىن قولداناتىن ەۋروپانىڭ بىرنەشە ەلىنىڭ ءبىرى. پرەپاراتتى ەلگە جەتكىزۋ اقپان ايىندا باستالدى. سان-مارينو تۇرعىندارىنىڭ كوپشىلىگى رەسەيلىك ۆاكتسينانى سالدىرادى.
قازىرگى ۋاقىتتا «سپۋتنيك V» 67 ەلدە تىركەلگەن. رەسەيدىڭ تىكەلەي ينۆەستيتسيالار قورىنىڭ باسشىسى كيريلل دميتريەۆتىڭ ايتۋىنشا, پرەپارات كۇزدە دۇنيەجۇزىلىك دەنساۋلىق ساقتاۋ ۇيىمىنىڭ جانە ەۋروپالىق وداقتىڭ رەتتەۋشىسىنىڭ ماقۇلداۋىن الا الادى.
