كوروناۆيرۋس • 03 تامىز، 2021

ىندەت بارلىق اۋداننان انىقتالىپ جاتىر

30 رەت كورسەتىلدى

جۋىردا دەنساۋلىق ساقتاۋ ءمينيسترى ا.تسوي سولتۇستىك قازاقستان وبلىسىندا سوڭعى ەكى اپتادا ىندەت جۇقتىرۋ 3،5 ەسە وسكەنىن ايتتى. ال سول كەزدە جالپى رەسپۋبليكاداعى ءوسىم 1،9 ەسە بولعان. وسىنىڭ ءوزى قىزىلجار وڭىرىندەگى احۋال الاڭداتارلىق ەكەنىن كورسەتىپ تۇر.

وبلىس اكىمىنىڭ ورىنباسارى اسقار ساقىپكەرەەۆ، سا­ني­­تار­لىق-ەپي­دە­ميو­لو­گيالىق­­­­باقىلاۋ دەپار­تا­مەن­تى­نىڭ باس­تىعى اسەت جۇماتاەۆ وب­لىس­تاعى ەپيدەميالىق جاع­داي جانە ىندەتكە قارسى كۇرەستىڭ بارىسى تۋرالى بايانداپ بەردى.

وبلىستا پتر-زەرتتەۋ جۇر­گى­زەتىن ءتورت زەرتحانا جۇمىس ىس­تەيدى. پاندەميا كەزەڭىنەن باس­تاپ، وبلىس بويىنشا كۆي-ءدىڭ بار-جوعىن تەكسەرۋ ماقساتىندا 393 726 زەرتتەۋ جۇرگىزىلدى. ونىڭ 4،2%-ى، ياعني 17 583-ءى – كۆي انىقتالعان ناتيجە. وتكەن تاۋلىكتە پتر ادىسىمەن 1 183 زەرتتەۋ جۇرگىزىلدى.

وتكەن تاۋلىكتە 152 جاعداي تىركەلدى، ونىڭ ىشىندە 131-ءى (86%) – اۋرۋ بەلگىلەرى بار جانە 21-ءى (14%) – اۋرۋ بەلگىلەرى جوق جاعداي. اۋداندار بو­يىنشا ايتساق، اققايىڭ اۋدانىندا – 2، ع.مۇسىرەپوۆ اۋدانىندا – 2، اقجار اۋدانىندا – 4، تيميريازەۆ اۋدانىندا – 4، ءۋاليحان اۋدانىندا – 4، جامبىل اۋدانىندا – 6، مامليۋت اۋدانىندا – 6، ەسىل اۋدانىندا – 7، م.جۇماباەۆ اۋدانىندا – 7، تايىنشا اۋدانىندا – 11، شال اقىن اۋدانىندا – 11، قىزىلجار اۋدانىندا – 13، ايىرتاۋ اۋدانىندا – 17، پەتروپاۆل قالاسىندا 59 جاعداي تىركەلدى.

كورىپ وتىرعانىمىزداي، ءوڭىردىڭ بارلىق اۋماعىندا جامان ىندەت تىركەلگەن. بىلتىر مۇنداي كۇرت ءوسىم بولماعان ەدى. ونىڭ ۇستىنە شالعايداعى اۋدانداردا ناۋقاستار سانىنىڭ ءوسىمى ءبىرشاما تۇراقتى بولعان. بيىلعى كۇرت ءوسىم ەپيدەميالىق احۋالدىڭ بارىنشا تۇراقسىز ەكەنىن ايقىندايدى.

سىرقاتتانعانداردىڭ 92%-ىن­­­­دا ىندەتتىڭ سيمپ­توم­دارى باي­قالىپ وتىر. سو­نىمەن قا­تار بيىلعى جاع­دايدا اۋىر­عان­دار­دىڭ جاسى وزگەردى. قا­زىرگى ۋاقىتتا ناۋقاستاردىڭ 57%-ى – 40 جاستان كىشى. بۇرىن بۇل كورسەتكىش 40%-دان اسپايتىن.

ماماندار اۋرۋدىڭ كۇرت ءوسۋى رەسپۋبليكا اۋماعىنداعى «دەلتا» شتامىنىڭ اينالىمىنان، سونداي-اق حالىقتىڭ كا­ران­تين شارالارىن ساق­تاۋ جو­نىندەگى ءتارتىبىنىڭ تومەن­دە­ۋىنە بايلانىستى دەگەندى ايتتى. راسىندا سوڭعى ۋاقىتتاردا كو­شەدە بەتپەردەمەن جۇرەتىن­دەر مۇلدە جوق. حالىق تەك عي­مارات­تارعا كىرگەندە عانا بەت­پەردەسىن كيىپ جاتادى، ال قالانىڭ بۇ­رىش-بۇرىشىنداعى كىشى­گى­رىم دۇكەندەردە ءتىپتى تاق­پاي دا جۇرە بەرۋگە بولادى.

191 340 ادام ۆاكتسينانىڭ ءبىرىنشى كومپونەنتىن سالدىردى، بۇل – جالپى حالىقتىڭ 60،6%-ى. ال ەكىنشى كومپونەنتپەن سالدىرعان سانى – 130 551. ءوزىنىڭ سوزىندە سانيتارلىق-ەپيدەميولوگيالىق باقىلاۋ دەپارتامەنتىنىڭ باستىعى اسەت جۇماتاەۆ: «ۆاكتسينا – ءبىزدى COVID-19-دان قورعايتىن جال­عىز مەحانيزم. قازىر ۆيرۋس جويىلماي، مۋتاتسياعا ۇشى­راۋ­دا، اۋرۋ قايتادان وسۋدە. ءاربىر وت­باسى اۋرۋعا تاپ بولدى جانە ءبارى دەنساۋلىقتى قالپىنا كەل­تى­رۋ قانشالىقتى قيىن ەكەنىن تۇسىنەدى. ۆيرۋسقا قارسى ءبىز تولىقتاي قارۋلانۋىمىز كەرەك، بۇل ءۇشىن ۆاكتسينا سالدىرۋعا ءبا­رى­مىز دۇرىس كوزقاراسپەن قارا­يىق»، دەدى.

 

سولتۇستىك قازاقستان وبلىسى

 

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار