ساياسات • 03 تامىز، 2021

سوقىر سەنىمنىڭ سالدارى 19 مىڭ ادام «قارجى پيراميدالارىنان» زارداپ شەكتى

19 رەت كورسەتىلدى

«استرا كونسالتينگ» دەپ اتالاتىن كومپانيا 120-دان استام ادامدى جالپى سوماسى 650 ميلليون تەڭگەگە الداپ سوعىپ، تاقىرعا وتىرعىزىپ كەتكەن. بۇل جونىندە ءىىم-ءنىڭ اپتالىق بريفينگىندە تەرگەۋ دەپارتامەنتىنىڭ باستىعى سانجار ءادىلوۆ حابارلادى.

قارجى پيراميدالارىنا قاتىستى قىلمىستىق ىستەردى تەرگەۋ ماسەلەسى بويىنشا كەڭىنەن ماع­لۇمات بەرگەن دەپارتامەنت باسشىسى اتالعان كومپانيا وكىل­دەرىنىڭ ارام ىستەرىن الماتى قالا­سىندا جۇزەگە اسىرىپ كەل­گەنىن ايتتى.   

«كومپانيا قىزمەتكەرلەرى قاراپايىم حالىققا وزدەرىن قارجى نارىعىنىڭ كاسىبي ماماندارى رەتىندە كورسەتىپ، سالىنعان اقشادان جوعارى تابىس تاباتىندارىن ايتىپ، ۋادەنى ءۇيىپ-توككەن»، دەيدى س.ءادىلوۆ. ال شىن مانىندە «استرا كونسالتينگ»-ءتىڭ قارجى نارىعىنا ەشقان­داي قاتىسى جوق بولىپ شىق­قان. اڭقاۋ ەلدىڭ سەنىمىنەن اقشا جاساۋدى بيزنەسكە اينالدىرىپ العان اككىلەر قارجى تولەمدەرىن جاڭا كليەنتتەردىڭ اعىنى اياق­تالعانعا دەيىن جۇزەگە اسىرىپ كەلگەن. ءىىم وكىلىنىڭ ايتۋىن­شا، قازىرگى ۋاقىتتا بۇل قارجى پي­را­­ميداسىنا قاتىستى تەرگەۋ اياق­تالىپ، 6 ادام قىلمىستىق جاۋاپ­كەرشىلىككە تارتىلىپ، بارلىعى قاماۋعا الىنعان.

«بولاشاعى جارقىن بيزنەس»، «جوعارى تەحنولوگيالىق كومپانيا»، «يننوۆاتسيالىق جوبا»، «استرا كونسالتينگ» سەكىلدى كومپانيالار وسىنداي تانىمال ءارى تارتىمدى اتاۋلاردى جامىلىپ، جارق-جۇرق ەتكەن جارنامانىڭ كۇشىنە سۇيەنەدى. كوزدەگەندەرى ارامدىقپەن اقشا تابۋ عانا بولىپ شىعاتىن مۇنداي قارجى ۇيىمدارىنىڭ جۇمىس ىستەۋ ءتاسىلى دە بىركەلكى – ولار ادامداردى وتە ءتيىمدى جوبالارعا، قور بيرجا­لارىنا نەمەسە پەرسپەكتيۆاسى كەرەمەت وندىرىسكە اقشا سالۋ­عا الداپ كوندىرەدى. س.ءادىلوۆ ەلى­مىزدە تامىرىن تەرەڭگە جايا باس­تاعان قارجى پيراميدالارىنا ءتان باستى «قاسيەتتىڭ» دە وسى ەكە­نىن ايتادى. ياعني ولاردىڭ وزدەرىن تابىسى مول ينۆەستيتسيا­لار سالاسىنداعى كاسىبي بىلىكتى كوم­پانيالار رەتىندە كورسەتە ءبىلۋى. ەڭ وكىنىشتىسى، تەز بايىپ كەتۋگە تالپىنىپ، ۋادەگە تو­لى جارناماعا قارسى تۇرا الماي، سوقىر سەنىمنىڭ جەتەگىنە ەرىپ، قار­جى پيراميدالاردىڭ قۇر­با­نىنا اينالىپ جۇرگەن جۇرتتىڭ قاراسى ازايار ەمەس.

«قارجى پيراميدالارىنىڭ كەڭ تارالعان تاعى ءبىر ءتۇرى – حالىق كوپ قولداناتىن مەسسەندجەرلەردە قۇرىلعان كاسسالار تۇرىندەگى جوبالار»، دەگەن سپيكەر مىسال رەتىندە وتكەن جىلدىڭ سوڭىن­­دا اشكەرەلەنگەن ءبىر قىلمىس­تىق ىسكە توقتالدى. بۇگىندە سوتقا جى­بەرىلگەن بۇل ءىس ماتەريالدارى بويىنشا قاراعاندى قالاسىنىڭ 44 جاستاعى تۇرعىنى WhatsApp ارقىلى «اقشالاي جاڭبىر» دەپ اتالاتىن توپتىق چات اشقان. چاتقا قوسىلعاندارعا ەكى ەسە مول­شەردە پايدا تابۋعا ۋادە بەرگەن الاياق ولارعا مىندەتتى تۇردە كارتوچكالىق شوتىنا اقشا سال­دىرىپ وتىرعان. تەرگەۋ بارى­سىندا چاتقا ەلىمىزدىڭ ءار وڭىرى­نەن قوسىلعان 800-دەن استام جابىر­لەنۋشىنىڭ 50 ميلليون تەڭگەدەن استام قارجىدان قاعىلعانى انىق­تالىپ وتىر.

سەنىمگە كىرۋ ارقىلى حالىق­تىڭ قالتاسىنا قول سۇعىپ جۇر­گەن قارجى پيراميدالارىن قالاي اشكەرەلەۋگە بولادى؟ بۇل سۇ­راق­قا جاۋاپ بەرگەندە دەپار­تا­مەنت باسشىسى مۇنداي ۇيىم­دار­دىڭ باستى بەلگىسى – كوپ تا­بىس­قا كەپىلدىك بەرەتىندىگى ەكە­نىن ەس­كەر­تىپ ءوتتى. ال قارجى پي­را­مي­دا­لارى ۋادە ەتكەن بۇل تا­بىس­تى نا­رىقتاعى مىقتى دەگەن كوم­پا­نيا­لاردىڭ وزدەرى دە ۇسىنا المايدى.

«كومپانيا قىزمەتىندە اشىق­تىقتىڭ بولماۋى، ءتىپتى ناقتى ءبىر قىزمەتپەن اينالىسپاۋى، وزگە ادامداردى تارتۋ ارقىلى پايدا مەن بونۋستار الۋعا ۋادە بەرۋ، قارجى نارىعىن رەتتەۋ جانە دامىتۋ اگەنتتىگى بەرەتىن دە­پو­­زيت­تەردى نەمەسە اقشا قارا­جا­تىن قابىلداۋعا ليتسەنزياسى جو­ق­تىعىمەن قوسا، ەڭ باستى سەزىك تۋدىراتىن تۇسى – مۇنداي كوم­پا­نيالاردىڭ ەشقايسىسى تالاپ بويىنشا اقشا قاراجاتىن قايتارۋعا مىندەتتەمە المايدى»، دەيدى سپيكەر.

بريفينگ بارىسىندا قار­جى پيراميدالارىنىڭ كەڭ تارال­عان تۇرلەرى مەن باستى ەرەكشە­لىك­تەرىنە جەكە-جەكە توقتالعان ءىىم وكىلى ەلىمىزدە «استەكس»، «ۆى­گود­نىي دەپوزيت»، «استرا كونسال­تينگ»، «بيزنەس لاين»، «حوۋم اۆتو ينۆەست» سەكىلدى ءىرى قارجى پي­را­ميدالارىنىڭ بەلسەندى جۇ­مىس ىستەگەنىن ايتىپ ءوتتى. 

«وسىنداي كومپانيالاردىڭ قۇرىعىنا كوبىنە اقتوبە، ماڭ­عىستاۋ، تۇركىستان وبلىستارى مەن شىمكەنت جانە الماتى قا­لا­لارىنىڭ تۇرعىندارى ءتۇسىپ، زارداپ شەككەن. جالپى، قار­جى پيراميدالارى تۋرالى قىل­مىستىق ىستەر بويىنشا جابىر­لەنۋ­شىلەردىڭ سانى بۇگىندە 19 مىڭ­نان اسىپ جىعىلادى. ال كەل­تىرىلگەن زالال 21 ملرد تەڭگەدەن استام»، دەدى ول.

ال بيىلعى جىل باسىنان بەرى تەرگەۋ دەپارتامەنتى قارجى پيرا­ميدالارىنا قاتىستى 330 قىل­مىستىق ءىستى تەرگەپ، ونىڭ 177-ءسىن سوتقا جولداعان. قازىرگى تاڭدا تەرگەۋدە 62 ادام بولسا، ونىڭ 55-ءى قاماۋعا الىنعان.

 

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار