ساياسات • 02 تامىز، 2021

سەناتورلاردىڭ وڭىرلەردەگى كەزدەسۋلەرى

16 رەت كورسەتىلدى

پارلامەنت سەناتىنىڭ دەپۋتاتتارى وڭىرلەردەگى تۇرعىندارمەن كەزدەسۋلەرىن جالعاستىرۋ ۇستىندە، دەپ حابارلادى جوعارعى پالاتانىڭ ءباسپاسوز قىزمەتى.

سەنات توراعاسىنىڭ ورىنباسارى نۇرلان ءابدىروۆ قاراعاندى وبلىسىندا ساپاردا بولدى. ول جاڭادان سايلانعان اۋىل اكىمدەرىمەن، سونداي-اق ۇلىتاۋ جانە جاڭاارقا اۋداندارى ءماسليحاتتارىنىڭ دەپۋتاتتارىمەن كەزدەستى.

نۇرلان ءابدىروۆ جۇزدەسۋلەردە وتكەن سايلاۋ­داعى جەرگىلىكتى بيلىك ورگاندارىنىڭ وكىلەت­تىگى مەن دەربەستىگىن كەڭەيتۋدەگى ماڭىز­دىلىعىن اتاپ ءوتتى.

«ەلىمىزدە اۋىل اكىمدەرىن سايلاۋ اياقتال­دى. وسىلايشا، ءبىز جەرگىلىكتى اتقارۋشى ورگان­داردىڭ دەربەستىگىن نىعايتۋعا باعىت­تالعان سايلاۋ پروتسەسىنىڭ ءبىرىنشى جانە ماڭىزدى كەزەڭىنەن تابىستى وتتىك. بۇل ساياسي رەفور­مانى ەل پرەزيدەنتى قاسىم-جومارت توقاەۆ بىلتىرعى جولداۋىندا ۇسى­نىپ، وعان بيىلعى قاڭتار ايىندا جەتىنشى شاقى­رىلىمداعى پارلامەنت پالاتالارىنىڭ بىرلەسكەن وتىرىسىندا دا توقتالعانى بەلگىلى. مەملەكەت باسشىسى ازاماتتاردىڭ شەشىم قابىلداۋ پروتسەسىنە ىقپالىن كۇشەيتۋ ءۇشىن وسىنداي سەرپىن بەرۋدىڭ ماڭىزدىلىعىن اتاپ وتكەن بولاتىن. وسىعان بايلانىستى جاڭادان سايلانعان اكىمدەرگە ۇلكەن جاۋاپكەرشىلىك جۇكتەلەدى»، دەدى نۇرلان ءابدىروۆ.

سەنات توراعاسىنىڭ ورىنباسارى بۇل تاپسىرمانى ىسكە اسىرۋ ءۇشىن دەپۋتاتتار اۋقىم­دى زاڭنامالىق جۇمىستى جەدەل تۇردە جۇرگىز­گەنىن ەسكە سالدى. اتاپ ايتقاندا، جەرگىلىكتى ءوزىن ءوزى باسقارۋ بيۋدجەتىن نىعاي­تۋ ءۇشىن سالىقتار مەن تولەمدەردىڭ كەيبىر تۇرلەرى: بىرىڭعاي جەر سالىعى، جەر ۋچاسكەلەرىن پايدا­لانعانى ءۇشىن تولەم، جەر ۋچاسكەلەرىن ساتۋدان تۇسەتىن تۇسىمدەر، جەر ۋچاسكەلەرىن جالداۋ قۇقىعىن ساتۋ تولەمى ءتورتىنشى دەڭگەيگە بەرىلدى. نۇرلان ءابدىروۆ بۇل جاڭالىقتار اۋىلدىق، اۋداندىق جانە قالالىق بيلىكتىڭ دەربەستىگىن ۇلعايتۋعا ىقپال ەتەتىنىن ايتتى.

پالاتا توراعاسىنىڭ ورىنباسارى جەر­گىلىكتى حالىقتى تولعاندىراتىن وزەكتى ماسە­­لەلەردى تالقىلاۋ جانە شەشۋ مەن قول­دانىستاعى زاڭنامانىڭ تيىمدىلىگىن جاق­سارتۋ ءۇشىن سەنات پەن ءماسليحات دەپۋتات­تارى­نىڭ بىرلەسكەن جۇمىسىن كۇشەيتۋدىڭ ماڭىزدىلىعىن اتاپ ءوتتى.

سەنات توراعاسىنىڭ ورىنباسارى كەزدەسۋلەرگە قاتىسقان قۇقىق قورعاۋ ورگاندارىنىڭ وكىلدەرىنە ارناعان سوزىندە مەملەكەت باس­شىسىنىڭ باستاماسىمەن ازىرلەنگەن، ەلى­مىز­دىڭ قۇقىق قورعاۋ جانە سوت جۇيەلەرىن رەفورما­لاۋعا باعىتتالعان زاڭداردى قابىل­داۋ دەپۋ­تاتتار قىزمەتىنىڭ ماڭىزدى ناتيجە­لەرىنىڭ ءبىرى بولعانىن اتاپ ءوتتى.

توراعا ورىنباسارى ساپار بارىسىندا وڭىردەگى اۋىل ەڭبەككەرلەرىمەن ەلىمىزدىڭ مال شارۋاشىلىعىن قولداۋ ماسەلەلەرىن دە تالقىلادى جانە وبلىستىڭ اۋىل شارۋا­شىلىعى سەكتورىنىڭ دامۋ پروبلەمالارى­مەن تانىستى. جاقىندا قاراعاندى وبلى­سىندا بولعان دالا ءورتىنىڭ سالدارىمەن كۇرەس جانە ءوڭىردىڭ زارداپ شەككەن ونداعان شارۋا قوجالىعىنا كەلتىرىلگەن زالالدى وتەۋ ماسە­لەلەرى كوتەرىلدى. نۇرلان ءابدىروۆ كەلتى­رىلگەن زالالدى باعالاۋ جانە زارداپ شەككەن ازا­ماتتارعا وتەماقى تولەۋ جونىندەگى جۇمىس­تاردى جەدەلدەتۋدىڭ ماڭىزدىلىعىن اتاپ ءوتتى.

سەناتور دۇيسەنعازى مۋسين شىعىس قازاقستان وبلىسىنىڭ جارما جانە اياگوز اۋداندارىندا بولدى. دەپۋتات ساپار بارىسىندا اۋدان اكتيۆىمەن جانە اۋىل شارۋاشىلىعى سالاسىنىڭ ەڭبەككەرلەرىمەن كەزدەسىپ، ءوڭىردىڭ الەۋمەتتىك-ەكونوميكالىق دامۋ ماسەلەلەرىن تالقىلادى.

كەزدەسۋلەر بارىسىندا سونداي-اق ەلىمىزدىڭ اگروونەركاسىپ كەشەنىن دامىتۋدىڭ مەملە­كەتتىك باعدارلاماسىن ىسكە اسىرۋ، ەلىمىزدىڭ اگروونەركاسىپتىك كەشەنىن دامىتۋدىڭ 2021-2025 جىلدارعا ارنالعان ۇلتتىق جوباسى، «جايىلىمدار تۋرالى» زاڭنىڭ ورىندالۋى جانە اۋىلدىق اۋماقتاردى دامىتۋ ماسە­لەلەرى ءسوز بولدى.

دۇيسەنعازى مۋسين قازاقتىڭ اقباس سيىرى­نىڭ تۇقىمىن وسىرۋمەن اينالىساتىن شا­رۋا­شىلىقتىڭ جۇمىسىمەن تانىستى. كاسىپورىن باسشىلىعى اسىل تۇقىمدى مالدى وسىرۋدەگى سەلەكتسيالىق جۇمىستار سالاسىنداعى جاع­داي تۋرالى سەناتوردى حاباردار ەتىپ، سوڭعى جىلدارداعى وڭ وزگەرىستەردى اتاپ ءوتتى.

سوڭعى جاڭالىقتار

ۇقساس جاڭالىقتار