TOKYO2020 • 01 تامىز، 2021

ميلاد كاريمي سپورتتىق گيمناستيكادان توكيو وليمپياداسىندا ۇزدىك بەستىككە ەندى

29 رەت كورسەتىلدى

توكيو وليمپاداسىندا سپورتتىق گيمناستيكادان جەكەلەگەن سناريادتار بويىنشا فينالدىق كەزەڭ باستالدى. بۇگىن ەركىن جاتتىعۋدان وليمپيادا چەمپيوندارى مەن جۇلدەگەرلەرى انىقتالدى، دەپ جازادى Egemen.kz Olympic.kz سايتىنا سىلتەمە جاساپ.

فوتو: ۆلاديسلاۆ سەمەنوۆ، قازاقستان ۇوك

بۇل جاتتىعۋدىڭ فينالدىق كەزەڭىندە قازاقستاندى ميلاد كاريمي دە سىنعا تۇسكەن بولاتىن. كاريمي ءوز باعدارلاماسىن ورىنداۋ بارىسىندا كىشىگىرىم قاتەلىكتەر جىبەرىپ، 14.133 ۇپاي جينادى. 

جارىس ناتيجەسى بويىنشا قازاقستاندىق گيمناست بەسىنشى ورىنعا تۇراقتادى. ەركىن جاتتىعۋدان وليمپيادا چەمپيونى اتاعىن يزرايلدىك ارتەم دولگوپيات ەنشىلەدى. كۇمىس جۇلدەنى يسپانيالىق رەيدەرلەي زاپاتا، قولانى قىتايلىق سياو رۋتەنگ يەلەندى. 

ايتا كەتەلىك، بۇل سپورتتىق گيمناستيكدان قازاقستان كومانداسى وكىلدەرىنىڭ وليمپيادا ويىندارىندا كورسەتىپ وتىرعان ەڭ ۇلكەن ناتيجەلەرىنىڭ ءبىرى. اسىرەسە، ميلاد كاريمي ەركىن جاتتىعۋدان وليمپيادادا ۇزدىك بەستىككە ەنگەن العاشقى قازاقستاندىق گيمناست.

ول توكيو وليمپياداسىنداعى كوپسايىس قورىتىندىسى بويىنشا 14-ءشى ورىنعا تۇراقتادى. ەندى كاريمي گيمناستيكالىق كەرمە بويىنشا وليمپيادا جۇلدەسىنە تالاسادى. 

 

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار