بالىق شارۋاشىلىعى كوميتەتى ءباسپاسوز قىزمەتىنىڭ اقپاراتىنا سۇيەنسەك, نارىن سۋلاندىرۋ-سۋارۋ كانالى «اتىراۋسۋشار» رمك-ءنىڭ بالانسىندا تۇر. ۇزىندىعى – 177,8 كم, ەنى – 40 مەتر بولاتىن كانالدىڭ جانباي اۋىلدىق وكرۋگىنەن اقباس ۋچاسكەسىنە دەيىنگى ارالىعىنان جينالعان 228 كەلى ءولى بالىق سانيتارلىق نورمالارعا سايكەس جويىلعان.
«سۋ سىنامالارىن تالداۋ ناتيجەلەرى بويىنشا امموني ازوتىنىڭ, حلوريدتەردىڭ, تەمىردىڭ, قالقىما زاتتاردىڭ جانە قۇرعاق قالدىقتىڭ شەكتى رۇقسات ەتىلگەن كونتسەنتراتسياسىنان (شجك) اسىپ كەتكەنى انىقتالدى. اتىراۋ وبلىسىنىڭ مامانداندىرىلعان تابيعات قورعاۋ پروكۋراتۋراسى «جايىق-كاسپي» وبلىسارالىق باسسەيندىك بالىق شارۋاشىلىعى ينسپەكتسياسىنىڭ باستاماسىمەن «اتىراۋسۋشار» رمك-عا قاتىستى قىلمىستىق ءىس قوزعاۋ ماسەلەسىن قاراستىرۋدا», دەپ حابارلادى كوميتەتتىڭ ءباسپاسوز قىزمەتى.
