ەكونوميكا • 31 شىلدە، 2021

قازاقستان مەن برازيليا ساۋدا-ەكونوميكالىق ىنتىماقتاستىقتى نىعايتۋعا ۋاعدالاستى

29 رەت كورسەتىلدى

قازاقستان مەن برازيليا اراسىندا بەينەكونفەرەنتسيا فورماتىندا ساياسي كونسۋلتاتسيالار ءوتتى، دەپ حابارلايدى Egemen.kz سىرتقى ىستەر مينيسترلىگىنە سىلتەمە جاساپ.

ءىس-شاراعا قر سىرتقى ىستەر ءمينيسترىنىڭ ورىنباسارى اقان راحمەتۋللين مەن برازيليا سىرتقى ىستەر ءمينيسترىنىڭ ورىنباسارى مارسيا دوننەر ابرەۋ تەڭ توراعالار رەتىندە قاتىستى. 

تاراپتار ەكى ەل اراسىنداعى كەڭ اۋقىمدى ىقپالداستىق كۇن ءتارتىبىنىڭ وزەكتى ماسەلەلەرى مەن ءوزارا ءتيىمدى ىنتىماقتاستىق بولاشاعى تۋرالى پىكىر الماستى. ناقتىراق ايتقاندا ساياسي، ساۋدا-ەكونوميكالىق جانە ينۆەستيتسيالىق، سونداي-اق پارلامەنتارالىق ىنتىماقتاستىق پەن كوروناۆيرۋسپەن كۇرەستەگى جانە ۇلتتىق ەكونوميكالاردى COVID-19 پاندەمياسىنىڭ سالدارىن ەڭسەرۋدەگى تاجىريبە الماسۋ قاراستىرىلدى. سونداي-اق اتوم ەنەرگەتيكاسى، تاۋ-كەن، جاڭارتىلاتىن ەنەرگەتيكا جانە اۋىلشارۋاشىلىعى سالاسىندا بىرقاتار ۋاعدالاستىقتارعا قول جەتكىزىلدى. تاراپتار بۇۇ جانە وزگە دە حالىقارالىق ۇيىمدار اياسىنداعى ارەكەتتەستىكتەرىڭ جوعارى دەڭگەيىن اتاپ ءوتتى. 

«برازيليا قازاقستاننىڭ وڭتۇستىك امەريكاداعى سەنىمدى سەرىكتەسى بولىپ تابىلادى. ءبىز ەكى ەل اراسىندا ورناتىلعان سەرىكتەستىكتى دوستىق، ءوزارا قۇرمەت جانە سەنىم رۋحىندا ودان ءارى تەرەڭدەتۋگە نيەتتىمىز»، دەدى ا. راحمەتۋللين ءوز سوزىندە.

ءىس-شارانىڭ قورىتىندىسى بويىنشا تاراپتار جەمىستى ىنتىماقتاستىقتى ودان ءارى جالعاستىرۋ جانە الداعى كەزەڭگە ارنالعان نەگىزگى باسىمدىقتاردى جۇزەگە اسىرۋداعى ناقتى قادامدار جونىندە ۋاعدالاستىقتارعا قول جەتكىزدى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار