ايماقتار • 29 شىلدە، 2021

اقتوبە وبلىسىندا 8 مىڭ گەكتار جەردى قۇرت جايلادى

56 رەت كورسەتىلدى

اقتوبە وبلىستىق اۋىل شارۋاشىلىعى باسقارماسىنىڭ باسشىسى يساتاي ەسپاعانبەتوۆ، باسقارما باسشىسىنىڭ ورىنباسارى اسىلجان اپتيەۆ جانە وبلىستىق اۋماقتىق ينسپەكتسياسىنىڭ باسشىسى  باقىتعالي شايحيەۆ وبلىس جەرىندە تارالىپ جاتقان شابىندىق كوبەلەگىنە قاتىستى ءباسپاسوز ءماسليحاتىن وتكىزدى، دەپ حابارلايدى Egemen.kz. بريفينگتەگى اقپاراتتار «اقتوبە» گازەتىنىڭ سايتىندا جاريالانعان

زيانكەستەردى جويۋ ءۇشىن حيميالىق وڭدەۋ جۇمىستارى باستالىپ كەتتى. ولار وبلىستىڭ 8 مىڭ گەكتار جەرىنە تاراپ ۇلگەرگەن. بىراق  تارالۋ كورسەتكىشى كۇن سايىن وزگەرىپ وتىرادى. ونىڭ 5400 گەكتارى شارۋا قوجالىقتارىنىڭ جەرى. ەگىسى مەن باۋ-باقشاسى كوپ مارتوك اۋدانىنىڭ 4 مىڭ  گەكتار، قارعالى اۋدانىنىڭ 1800 گەكتار، العا، مۇعالجار، حرومتاۋ اۋداندارىنىڭ 1000 گەكتارعا جۋىق جەرلەرىنە ۋلاۋ جۇمىستارى جۇرگىزىلمەك. بۇعان تەحنيكالار بار. دارىلەر دە تولىعىمەن جەتكىلىكتى.

باسقارما باسشىسىنىڭ ايتۋىنشا، ءار شارۋا قوجالىعى ءوز جەرىن وزدەرى ۋلاۋى ءتيىس. ويتكەنى مەملەكەت تاراپىنان تەك شەگىرتكەگە قارسى تەگىن كومەك بەرىلەدى. بىراق زيانكەستەردى جوياتىن ءدارىنىڭ 50 پايىزىن ۇكىمەت سۋبسيديا قىلىپ قايتارادى. ەگەر شارۋا قوجالىقتارى ءوز جەرىن ۋلاۋعا تەحنيكاسى، قۇرالدارى باسقا دا مۇمكىندىكتەرى  بولماسا، اقتوبە قالاسىنداعى مەكەمەلەردىڭ اقىلى قىزمەتىنە جۇگىنە الادى. ءورىستى ۋلاعاننان كەيىن مالعا قاۋىپ بار. سوندىقتان وكرۋگ اكىمدەرى بۇل جۇمىستى تياناقتى ۇيىمداستىرۋى كەرەك. مال جايىلىمىن وزگەرتىپ، الدىن الا حالىققا ەسكەرتىپ، ۋلانعان جەرلەرگە بەلگىلەر قويىلادى.

— فيتوسانيتارلىق نورماتيۆتەردى، فيتوسانيتارلىق ەسەپكە الۋ نىساندارىن، سونداي-اق ولاردى ۇسىنۋ قاعيدالارىن بەكىتۋ تۋرالى قر اۋىل شارۋاشىلىعى مينيسترلىگىنىڭ 2015 جىلعى 29 ماۋسىمداعى №584 بۇيرىعىنا سايكەس شابىندىق كوبەلەگىن ۋلاۋدىڭ مىناداي ءتارتىبى بار. اۋىل شارۋاشىلىعى داقىلدارىنىڭ جاڭادان كوكتەپ كەلە جاتقان ۋاقىتىندا  1 شارشى مەتر جەردە 5-10، ال قازىرگى كەزدە 1شارشى مەتر جەرگە 20 قۇرت بولسا ۋلاۋ كەرەك. ال وبلىسىمىز جەرىندەگى  شابىندىق كوبەلەگى  ءار جەردە ءارتۇرلى. ولار جۋسان، ءارامشوپ، مايلى داقىلدار جانە كوكونىستەرگە ءتۇسىپ وتىر. قازىرگى تاڭدا ۋلاپ جاتىرمىز، — دەيدى وبلىستىق اۋىل شارۋاشىلىعى باسقارماسىنىڭ باسشىسى يساتاي ەسپاعانبەتوۆ.

بۇل 8-10 جىل سايىن پايدا بولاتىن زياندى قۇرتتار. اۋا رايىنىڭ دا اسەرى بار. جاڭبىردان كەيىن قاۋلايدى. جاقىندا وبلىسىمىزدىڭ بارلىق اۋداندارىنا جاۋىن جاۋدى. ودان كەيىن كۇن ىسىدى. شابىندىق كوبەلەگىنىڭ پايدا بولىپ، كوبەيۋىنە قولايلى بولىپ وتىر. ءبىر قۋانارلىعى، ازىرگە شابىندىق جەرلەردە بۇل قۇرتتاردىڭ بەلگىسى بايقالعان جوق.

سوڭعى جاڭالىقتار

زاڭ ءبىلىمىنىڭ ساپاسى قارالدى

پارلامەنت • بۇگىن، 08:10

شەرحاننىڭ شامىرقانىسى

ادەبيەت • كەشە

مەيىرىم ءپالساپاسى

رۋحانيات • كەشە

تۋريستەر تورگە وزسا...

ايماقتار • كەشە

ورالحاننىڭ وبرازى

ادەبيەت • كەشە

اۋەزوۆتىڭ عادەتى

ادەبيەت • كەشە

ۇقساس جاڭالىقتار