ەكولوگيا • 29 شىلدە، 2021

ەكولوگيا ءمينيسترى شىۇ ەكوجۇيەلىك تسيفرلىق كارتاسىن ازىرلەۋدى ۇسىندى

21 رەت كورسەتىلدى

29 شىلدە كۇنى قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار ءمينيسترى م. مىرزاعاليەۆ شانحاي ىنتىماقتاستىق ۇيىمىنا مۇشە مەملەكەتتەردىڭ قورشاعان ورتانى قورعاۋ ماسەلەلەرىنە جاۋاپ بەرەتىن مينيسترلىكتەرى مەن ۆەدومستۆولارى باسشىلارىنىڭ كەڭەسىنە قاتىستى، دەپ حابارلايدى Egemen.kz قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار مينيسترلىگىنە سىلتەمە جاساپ.

كەڭەس بارىسىندا شىۇ ەلدەرىنىڭ تابيعات قورعاۋ ۆەدومستۆولارىنىڭ باسشىلارى قورشاعان ورتانى قورعاۋ سالاسىنداعى ىنتىماقتاستىقتىڭ جاي-كۇيى مەن دامۋ پەرسپەكتيۆالارى ماسەلەلەرىن تالقىلادى.

مينيستر ءوز باياناداماسىندا 2020 جىلى شىۇ ءسامميتى بارىسىندا ايتىلعان مەملەكەت باسشىلارىنىڭ تاپسىرمالارىن ورىنداۋ قاجەتتىگىن اتاپ ءوتىپ، وسى ماقساتتا شىۇ-عا مۇشە مەملەكەتتەردىڭ ەكولوگيالىق پروبلەمالارىنىڭ رەەسترىن ازىرلەۋدى ۇسىندى.

سونداي-اق، م.مىرزاعاليەۆ ارال ءوڭىرىنىڭ ەكولوگيالىق پروبلەمالارىن كەشەندى شەشۋ ماسەلەلەرىن قوزعاپ، شىۇ ەلدەرىندە كليماتتىڭ وزگەرۋى، ەرەكشە قورعالاتىن تابيعي اۋماقتاردى دامىتۋ جانە بيوارتۇرلىلىكتى ساقتاۋ ماسەلەلەرى بويىنشا بىرلەسكەن شەشىمدەردى ىزدەۋ قاجەتتىگىن اتاپ ءوتتى.

وسىعان بايلانىستى، مينيستر ارال تەڭىزىنىڭ قۇرعاعان تابانىن فيتومەليوراتسيالاۋ جونىندەگى باعدارلامانى، شىۇ-عا مۇشە مەملەكەتتەردىڭ ەرەكشە قورعالاتىن تابيعي اۋماقتاردى دامىتۋ سالاسىنداعى ىنتىماقتاستىق باعدارلاماسىن ازىرلەۋدى، سونداي-اق سيرەك كەزدەسەتىن جانۋارلاردى ساقتاۋ ماقساتىندا «شىۇ ەكوجۇيەلىك تسيفرلىق كارتاسىن» ازىرلەۋدى ۇسىندى.

وسىمەن بىرگە، قازاقستان تاراپى قورشاعان ورتانى قورعاۋ سالاسىنداعى جوبالاردى قارجىلاندىرۋ ءۇشىن بۇۇ باعدارلامالارى جەلىسى بويىنشا حالىقارالىق دونورلىق كومەكتى تارتۋ بويىنشا قىزمەتتى جانداندىرۋ بويىنشا بىرقاتار باستامالاردى اتاپ ءوتتى.

سونداي-اق، شىۇ شەڭبەرىندە تابيعاتتى قورعاۋ قىزمەتىنىڭ تيىمدىلىگىن ارتتىرۋ ماقساتىندا مينيستر شىۇ-عا مۇشە مەملەكەتتەردىڭ قورشاعان ورتانى قورعاۋ سالاسىنداعى ىنتىماقتاستىعى تۋرالى ۇكىمەتارالىق كەلىسىمدى ازىرلەۋدى ۇسىندى.

سونىمەن قاتار، قازاقستاندىق تاراپتىڭ باستاماسى بويىنشا كەڭەس شەڭبەرىندە شىۇ-عا مۇشە مەملەكەتتەردىڭ قورشاعان ورتانى قورعاۋ ماسەلەلەرى جونىندەگى بىرلەسكەن جۇمىس توبى قۇرىلدى.

كەزدەسۋ قورىتىندىسى بويىنشا تاراپتار 2022-2024 جىلدارعا ارنالعان شىۇ-عا مۇشە مەملەكەتتەردىڭ قورشاعان ورتانى قورعاۋ سالاسىنداعى ىنتىماقتاستىق تۇجىرىمداماسىن ىسكە اسىرۋ جونىندەگى ءىس-شارالار جوسپارىن ماقۇلدادى جانە كەڭەس حاتتاماسىنا قول قويىلدى.

سوڭعى جاڭالىقتار

زاڭ ءبىلىمىنىڭ ساپاسى قارالدى

پارلامەنت • بۇگىن، 08:10

شەرحاننىڭ شامىرقانىسى

ادەبيەت • كەشە

مەيىرىم ءپالساپاسى

رۋحانيات • كەشە

تۋريستەر تورگە وزسا...

ايماقتار • كەشە

ورالحاننىڭ وبرازى

ادەبيەت • كەشە

اۋەزوۆتىڭ عادەتى

ادەبيەت • كەشە

ۇقساس جاڭالىقتار