67 جاستاعى ماسكەۋ وبلىسىنىڭ تۋماسى 1992 جىلدان بەرى باپكەرلىك قىزمەتتى كاسىپ ەتۋدە. ءار جىلدارى ول رەسەيدىڭ «نەفتەحيميك» (نيجنەكامسك), «ساتۋرن» (رامەنسكوە), «لادا-سيمبيرسك» (تولياتتي), «فابۋس» (بروننيتس), «چەرنومورەتس» (نوۆوروسسيسك), «فاكەل» (ۆورونەج), «حيمكي» (حيمكي) جانە لاتۆيانىڭ «مەتاللۋرگىن» (ليەپايا) جاتتىقتىردى.
دەسەك تە ءوزىنىڭ ەڭ تابىستى جىلدارىن مۇقانوۆ قازاقستاندا وتكىزدى. ايتۋلى مامان قوستانايدىڭ «توبىل», استانانىڭ «جەڭىس» جانە كوكشەتاۋدىڭ «وقجەتپەس» كلۋبىنىڭ باس باپكەرى بولدى. 2006-2012 جىلدار ارالىعىندا ول «اقتوبەنىڭ» تىزگىنىن ۇستادى. ءدال سول كەزدەرى ايتۋلى ۇجىم ەلىشىلىك جارىستاردا وراسان زور تابىسقا قول جەتكىزدى. ودان كەيىن دە مۇقانوۆ قازاقستانعا قايتا ورالدى.
قازىرگى كەزدە «اقتوبە» قازاقستان چەمپيوناتىندا ءساتسىز ونەر كورسەتۋدە. 19 تۋردان كەيىن 23 ۇپايدى يەلەنگەن ولار جارىس كەستەسىندە 10 ورىندى يەلەنۋدە. بۇل جاعدايعا قاناعاتتانباعان كوماندا باسشىلارى قايتا ۆلاديمير مۇقانوۆتىڭ كومەگىنە جۇگىنۋگە ءماجبۇر بولىپ وتىر.
