فرانتسۋزدىق Carmat كومپانياسى جاساعان بيوپروتەز جۇرەك وسىعان دەيىن اقش-تاعى كلينيكالىق زەرتتەۋلەردە سالىنعان. ال بۇل جولى ءونىم العاش رەت ساتىلىپ, قولدانىسقا ەندى.
2020 جىلدىڭ جەلتوقسانىندا Carmat قۇرىلعىنى جۇرەك جەتىسپەۋشىلىگىنىڭ سوڭعى كەزەڭىندەگى ناۋقاستارعا جۇرەك ترانسپلانتاتسياسىنىڭ كوپىرى رەتىندە ساتۋعا ەو-دان رۇقسات العان. قۇرىلعى بيولوگيالىق جانە سينتەتيكالىق ماتەريالداردان جاسالعان. نەاپول اۋرۋحاناسىنىڭ جۇرەك حيرۋرگياسى ءبولىمىنىڭ ديرەكتورى ماريسا دە فەونىڭ ايتۋىنشا, Carmat كومپانياسىنىڭ جاڭا جاساندى جۇرەگى وسىعان دەيىن ورناتىلعان SynCardia Systems مودەلىنەن جاقسىراق.
«وسى ۋاقىتقا دەيىن ءبىز SynCardia-نىڭ ءونىمىن قولداندىق, ول – ىشىندە ءتورت مەحانيكالىق كلاپانى بار تولىق مەحانيكالىق جاساندى جۇرەك, ال Carmat ۇسىنعان ونىمدە ءتورت بيولوگيالىق كلاپان بار», دەدى دارىگەر. مامان ولاردى باسقارۋ الدەقايدا جەڭىل ەكەنىن ايتادى. «بىرىنشىدەن, ول قاتتى داۋىس شىعارمايدى. وزگە قۇرىلعىلاردىڭ شۋلى بولۋى ۇلكەن كەمشىلىگى ەدى. ونىڭ بيولوگيالىق كلاپاندارى دەكواگۋلياتسيانى قاجەت ەتپەيدى, بۇل ءوز كەزەگىندە ترومبوز مەن قان كەتۋ قاۋپىن تومەندەتەدى», دەپ اتاپ ءوتتى ماريسا دە فەو.
بولاشاقتا بيونيكالىق جۇرەكتەر پايدا بولا ما دەگەن سۇراققا يتاليالىق مامان الداعى جىلدارى يننوۆاتسيانى دامىتىپ, يمپلانتاتسيا سالاسىندا ۇزدىكتەردىڭ ءبىرى بولامىز دەگەن سەنىم ءبىلدىردى.
