قوعام • 29 شىلدە، 2021

وتباسىنداعى ويران ازايار ەمەس

42 رەت كورسەتىلدى

وتباسىنىڭ ويرانىن شىعارىپ، قيت ەتسە ايەلىنە جۇدىرىق الا جۇگىرەتىن ەركەكتەردىڭ 80 پايىزى تۇراقتى جۇمىس ىستەمەيدى. ال ەلىمىزدە تىركەلەتىن تۇرمىستىق زورلىق-زومبىلىقتىڭ جارتىسىنا جۋىعى ىشىمدىكتىڭ سالدارىنان تۋىندايدى. كوڭىلگە قاياۋ تۇسىرەتىن مۇنداي ستاتيستيكانى ونلاين وتكەن بريفينگ بارىسىندا ءىىم اكىمشىلىك پوليتسيا كوميتەتى توراعاسىنىڭ ورىنباسارى الەكسەي ميليۋك جاريالادى.

«تۇرمىستىق زورلىق-زومبىلىق پروفيلاكتيكاسى تۋرالى» زاڭ قابىلدانعان 12 جىلدىڭ ىشىندە بۇل قۇجاتقا 12 رەت وز­­گەرىستەر مەن تولىقتىرۋلار ەنگىزىل­گەن ەكەن. ال وتكەن جىلدان باستاپ مەم­لە­كەت باسشىسىنىڭ تاپسىرماسىمەن تۇر­مىس­تىق زورلىق-زومبىلىق ءۇشىن جاۋاپ­كەر­­شىلىك تاعى كۇشەيتىلدى. ءىىم وكىلى­نىڭ ما­لىم­دەۋىنشە، جىل باسىنان بەرى پو­لي­تسيا قىز­مەت­كەرلەرى 47 مىڭنان اس­تام قورعاۋ نۇس­قا­ماسىن شىعارسا، تاعى 6 مىڭ­عا جۋىق وتباسى تي­رانىنا سوت ارنايى تالاپتار بەلگى­ل­ەگەن.

تۇرمىستىق زورلىق-زومبىلىقتىڭ كوبى­نە-كوپ جاسىرىن سيپاتتا بولاتىنىن ايتقان سپيكەر ادەتتە ايەلدەردىڭ وتبا­سىنداعى داۋ-جانجالدى سىرتقا شىعار­ماي، ىشتە تۇمشالاپ، جاسىرىپ قا­لاتىنىن جەتكىزدى. «وتباسىلىق تيراننىڭ وزبىرلىعىنان قورعانۋ ءۇشىن ولار ءتىپتى پوليتسياعا دا بارعىسى كەلمەيدى»، دەدى ا.ميليۋك.

ەلىمىزدە تۇرمىستىق زور­لىق-زومبى­لىق­قا قارسى كۇرەس كۇشەي­تىل­دى، زاڭ تالاپ­تارى دا قاتاڭدا­تىلدى. الاي­دا زاڭ­دىق تۇرعىدان وسىنداي ادىس­تەردى بەل­سەندى قولدانۋ ەكىنشى ءبىر ماسە­لەنى تۋىن­داتىپ وتىر. سوڭعى ۋاقىت­تا ەلىمىزدە اجى­راسۋ كو­بە­يىپ كەتكەن. ستاتيستيكا­عا سايكەس، 2020 جىلى ەلى­مىزدە 14700 وت­باسى­لىق جۇپ اجى­راس­سا، ولاردىڭ دەنى – 1 جى­لدان 4 جىل­عا دەيىن عانا نەكەدە بول­عان­دار. ال 2300 شا­ڭى­راق ءتىپتى ءبىر جىل­عا جەتپەي شايقالعان.

«مۇنداي جاعداي ەلدەگى ءتىرى جەتىمدەر قاتارىن قالىڭداتىپ، تولىق ەمەس جانە از قامتىلعان وتباسىلار سانىنىڭ ارتۋى، اليمەنت تولەۋدەن جالتارعان جا­ۋاپ­سىز اكە سەكىلدى ونسىز دا كۇرمەۋى قيىن الەۋمەتتىك ماسەلەلەردى كۇردەلەندىرىپ وتىر»، دەگەن سپيكەر تۇرمىستىق زورلىق-زومبىلىقتى بوگەۋ ءۇشىن، ەڭ الدىمەن، وعان جول بەرەتىن سەبەپتەردىڭ الدىن الۋ كەرەك ەكەنىن تىلگە تيەك ەتتى. وسىعان وراي ىشكى ىستەر مينيسترلىگىنىڭ وكىلى: «جاقىندارىنا كۇش كورسەتەتىن قۇقىق بۇزۋشىلارمەن دە، زورلىق-زومبىلىق قۇرباندارىمەن دە كەشەندى وڭالتۋ جانە پسيحوكوررەكتسيالىق جۇمىستار جۇرگىزۋگە بەت بۇرۋىمىز قاجەت»، دەدى.

«تۇرمىستىق زورلىق-زومبىلىق پەن اجىراسۋدىڭ الدىن الۋدا وتباسىلىق قۇندىلىقتاردى ارتتىرىپ، سالاماتتى ءومىر سالتىن ۇستانۋدىڭ ماڭىزى زور. وسىعان وراي ءىىم قازىرگى ۋاقىتتا دە­پۋ­­تاتتىق كورپۋسپەن بىرلەسىپ قۇقىق بۇزۋ­شىلار ءۇشىن وڭالتۋ باعدار­لاما­لارىن ەنگىزۋ ماسەلەلەرىن جان-جاقتى قاراستىرۋ ۇستىندە. ال بۇل باستامالاردى وتباسى ينستيتۋتىن نىعايتۋدىڭ جەكەلەگەن ماسەلەلەرى بويىنشا زاڭ جوباسى شەڭبەرىندە ىسكە اسىرۋ جوس­پارلانىپ وتىر»، دەگەن ۆەدومستۆو قىزمەتكەرى وتباسىنداعى زورلىق-زومبىلىقتىڭ الدىن الۋ ءۇشىن ۇكىمەت­تىك ەمەس ۇيىمداردىڭ الەۋەتىن ءتيىمدى پايدالانۋ كەرەكتىگىن دە اتاپ ءوتتى. «مۇنداي ۇيىمدار تۇرمىستىق زور­لىق-زومبىلىق قۇرباندارىنا باس­پانا بەرىپ قانا قويمايدى، ولارعا قۇقىقت­ىق، مەديتسينالىق، الەۋمەتتىك، سون­داي-اق پسيحولوگيالىق تۇرعىدان كومەك كورسەتەدى، ترەنينگتەر مەن كونسۋلتاتسيالار وتكىزەدى»، دەگەن ا.ميليۋك ءوز شاڭىراعىندا ەرىنەن زورلىق كورىپ، زوم­بى­لىقتىڭ قۇربانى بولعان كەز كەل­گەن جان وسىنداي ۇيىمدارعا جۇگىنە الا­­تىنىن، بولماسا پوليتسيا قىزمەتكەر­لەرى­نىڭ تىكەلەي كومەگىمەن داعدارىس ورتالىق­تارىنا ورنالاسا الاتىندىعىن ايتتى.

ال بۇگىندە ەلىمىز بويىنشا 49 داع­دارىس ورتالىعى جۇمىس ىستەسە، ونىڭ 39-ى ارنايى باسپانامەن قامتاماسىز ەتىل­گەن. بيىلدىڭ وزىندە پوليتسيا قىز­مەت­كەرلەرى وتباسىنان جىلۋ تاپپاي، تاياققا جىعىلىپ، قيىن جاعدايعا تاپ بولعان 3 مىڭنان استام ايەلدى داعدارىس ورتالىقتارىنا ورنالاستىرعان.

 

سوڭعى جاڭالىقتار

مارافون نەسىمەن ماڭىزدى؟

الەم • 26 قىركۇيەك، 2021

تاعدىرى تەمىردەي شىڭداعان قايراتكەر

قازاقستان • 26 قىركۇيەك، 2021

شەكتەۋدە شيرىققان شاعىن بيزنەس

بيزنەس • 26 قىركۇيەك، 2021

پياندج وزەنىندەگى ەرلىك

تاريح • 26 قىركۇيەك، 2021

ەڭبەكپەن ەسەيگەن ەر

قازاقستان • 26 قىركۇيەك، 2021

بەيتانىس ساعىنىش

الەم • 26 قىركۇيەك، 2021

Astana Open ءتۋرنيرى اياقتالدى

سپورت • 26 قىركۇيەك، 2021

شەكاراشىلار ەليتالىق اسكەر بولسا...

قازاقستان • 26 قىركۇيەك، 2021

ۇلىبريتانيادا تانىستىرىلادى

وقيعا • 26 قىركۇيەك، 2021

وبلىس ورتالىعىنىڭ دەنى اۋىز سۋسىز وتىر

ايماقتار • 26 قىركۇيەك، 2021

مۇراعاتتاردىڭ ءحالى مۇشكىل

قوعام • 26 قىركۇيەك، 2021

نۇر-سۇلتان اۋەجايىندا ءتۇتىن شىقتى

ەلوردا • 26 قىركۇيەك، 2021

جالعىزدىق ارالى

كينو • 26 قىركۇيەك، 2021

تەننيس: Astana Open ءتۋرنيرى اياقتالدى

سپورت • 26 قىركۇيەك، 2021

ەلوردادا قار جاۋادى

قازاقستان • 26 قىركۇيەك، 2021

بالالار الاڭىنداعى تج: بالا ەسىن جيدى

ايماقتار • 26 قىركۇيەك، 2021

قاراعاندى-بالقاش تاس جولى جوندەلۋدە

ايماقتار • 26 قىركۇيەك، 2021

الماتىدا كىتاپ فەستيۆالى ءوتىپ جاتىر

ايماقتار • 26 قىركۇيەك، 2021

ماسكەۋدە جەتى جۇلدە الدىق

سپورت • 26 قىركۇيەك، 2021

ەلوردادا Astana Marathon-2021 ءوتىپ جاتىر

ەلوردا • 26 قىركۇيەك، 2021

بۇگىن ماشينا جاساۋ كۇنى

قازاقستان • 26 قىركۇيەك، 2021

قىزىلوردا وبلىسى «جاسىل» ايماققا ءوتتى

كوروناۆيرۋس • 26 قىركۇيەك، 2021

قانشا قازاقستاندىق ۆاكتسينا سالدىردى؟

كوروناۆيرۋس • 26 قىركۇيەك، 2021

قازاقستاندا ەڭبەك كۇنى اتاپ وتىلەدى

قازاقستان • 26 قىركۇيەك، 2021

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار