ۇكىمەت • 27 شىلدە، 2021

ەرلان قارين سايلاۋ پاراعىنداعى «بارىنە قارسىمىن» باعانى جونىندە پىكىر ءبىلدىردى

33 رەت كورسەتىلدى

قر پرەزيدەنتىنىڭ كومەكشىسى ەرلان قارين 25 شىلدەدەگى اكىمدەر سايلاۋىندا قولدانىلعان داۋىس بەرۋ بيۋللەتەرىنە «بارىنە قارسىمىن» باعانىن ەنگىزۋدىڭ العاشقى ناتيجەلەرى تۋرالى ايتتى، دەپ حابارلايدى Egemen.kz.

«اۋىل اكىمدەرىنىڭ وتكەن تىكەلەي سايلاۋىندا العاش رەت سايلاۋشىلارعا «بارىنە قارسى» داۋىس بەرۋ مۇمكىندىگىن بەرەتىن نورما ىسكە قوسىلدى. مەملەكەت باسشىسى مۇنداي نورمانى سايلاۋ زاڭناماسىنا ەنگىزۋ قاجەتتىگى تۋرالى بيىل قاڭتار ايىندا پارلامەنت ءماجىلىسىنىڭ جاڭا شاقىرىلىمنىڭ ءبىرىنشى سەسسياسىندا مالىمدەگەن بولاتىن»، دەپ جازدى پرەزيدەنت كومەكشىسى Telegram كانالىندا.

ونىڭ ايتۋىنشا، «بارىنە قارسىمىن» باعانى سايلاۋشىلار پىكىرىنىڭ بارلىق سپەكترىن ەسكەرۋگە مۇمكىندىك بەردى.

«بۇل باعان ازاماتتاردىڭ بالاما ۇستانىمىن زاڭدى تۇردە ءبىلدىرۋ قۇقىعىن كەڭەيتەدى. مىسالى، باق-تا حابارلانعانداي، قاراعاندى وبلىسى بويىنشا «بارىنە قارسىمىن» باعانىن اقتوعاي اۋدانىنىڭ شاشۋباي كەنتىندە 116 ادام بەلگىلەنگەن. بۇل داۋىس بەرگەندەردىڭ 7%-ى. ال بۇكىل ماڭعىستاۋ وبلىسىندا بۇل قۇقىقتى تەك 279 ادام پايدالانعان»، دەپ جازادى ەران قارين.

پرەزيدەنت كومەكشىسى اكىمدەر سايلاۋىندا پرەزيدەنت جۇرگىزىپ وتىرعان ساياسي رەفورمالاردىڭ تيىمدىلىگىن كورسەتىپ، ولاردىڭ بارلىق تارماقتارى پراكتيكادا دايەكتى تۇردە ىسكە اسىرىلىپ جاتقانىنا كوز جەتكىزگەنىن ايتادى.

 

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار