ءىس-شاراعا Birgemiz رەسپۋبليكالىق ۆولونتەرلەر فرونت-ءوفيسىنىڭ باسشىسى تاتيانا ميرونيۋك, فرونت-ءوفيستىڭ ساراپشىسى ولجاس ءابدۋحاميتوۆ جانە وڭىردەگى ۆولونتەرلىك ۇيىمداردىڭ بەلسەندىلەرى, جاستار رەسۋرستىق ورتالىقتارىنىڭ باسشىلارى قاتىستى.
كەزدەسۋ بارىسىندا قاتىسۋشىلار ۆولونتەرلىكتىڭ جول كارتاسىن جۇزەگە اسىرۋ, ۆولونتەرلىك قىزمەتتى قولداۋ ستاندارتىن ازىرلەۋ ماسەلەلەرىن تالقىلادى. ەرىكتىلەردىڭ ەرەن ىستەرىن دامىتۋدىڭ جاڭا قىرلارى ىزدەستىرىلدى. بۇل تاراپتا كەزدەسۋگە قاتىسۋشىلار وزدەرىنىڭ ورالىمدى ويلارىن ءبولىسىپ, پايىمدى پىكىر ءبىلدىردى.
تاتيانا ميرونيۋك اتاپ وتكەندەي, بۇگىندە قازاقستاندا 600-گە جۋىق ۆولونتەرلىك ۇيىم جۇمىس ىستەيدى. جىل سايىن ەلىمىزدە بەلسەندى ازاماتتىق ۇستانىمىن كورسەتۋگە جانە مۇقتاج ادامدارعا كومەكتەسۋگە نيەت بىلدىرگەن ەرىكتىلەر سانى كوبەيىپ كەلەدى. اقمولا وڭىرىندە دە جامان ىندەت شىققالى اتىمتاي جومارتتاردىڭ ەلگە قايىرىمدىلىق جاساعان كومەكتەرى از ەمەس. ونىڭ بارلىعى قىسىلعان جانعا كوپ-كورىم دەمەۋ بولسا, جاس قۇراقتاي جەلكىلدەپ ءوسىپ كەلە جاتقان جاستارعا ومىرشەڭ ونەگە, ادەمى ۇلگى. بۇگىنگى كۇنى مىڭداعان ەرىكتىلەردىڭ باسىن قۇرايتىن 90 ۇيىم جۇمىس ىستەۋدە. ەل يىعىنا تۇسكەن جۇكتى وسى ەرىكتىلەر كوتەرىسىپ وتىرعاندىعىن ايتا كەتسەك, ارتىق بولماس.
كەزدەسۋ سوڭىندا Birgemiz رەسپۋبليكالىق ۆولونتەرلەر فرونت-ءوفيسىنىڭ وكىلدەرى جاستار رەسۋرستىق ورتالىقتارىنىڭ قىزمەتكەرلەرى ءۇشىن جاناشىرلىق جاساۋداعى جاڭالىقتىڭ جايىن ۇقتىراتىن ماسەلەلەردى بۇگە-شىگەسىنە دەيىن تالقىلادى.
اقمولا وبلىسى
