ۇكىمەت • 27 شىلدە، 2021

بالامالى ەنەرگيا كوزدەرىن دامىتادى

23 رەت كورسەتىلدى

پرەمەر-مينيستر اسقار مامين Eni ەنەرگەتيكا كومپانياسىنىڭ باس ات­قارۋشى ديرەكتورى كلاۋديو دەس­كال­تسيمەن كەزدەسۋ وتكىزدى، دەپ حابارلادى ۇكىمەتتىڭ ءباسپاسوز قىزمەتى.

Eni كومپانياسى قازاقستاندا 1992 جىلدان بەرى جۇمىس ىستەپ كەلەدى جانە ەل ەكونوميكاسىنا 15 ملرد دوللاردان استام ينۆەستيتسيا سالدى.

تاراپتار قاشاعان جانە قاراشىعاناق كەن ورىندارىندا مۇناي مەن كوندەنسات ءوندىرۋ دەڭگەيىن ارتتىرۋ جانە ونى ساقتاۋ، سونداي-اق قازاقستان رەسپۋبليكاسىنىڭ اۋماعىندا جاڭارتىلاتىن ەنەرگيا كوزدەرى جوبالارىن دامىتۋ ماسەلەلەرىن تالقىلادى.

پرەمەر-مينيستر ا.مامين Eni قازاق­ستاننىڭ ماڭىزدى ينۆەستيتسيالىق سەرىكتەسى ەكەنىن اتاپ ءوتىپ، كومپانيانىڭ قاراشىعاناق جانە قاشاعان كەن ورىندارىن يگەرۋگە، سونداي-اق يساتاي جانە اباي كەن ورىندارىندا بارلاۋ جۇمىستارىن جۇرگىزۋگە قوسقان ۇلەسىن اتاپ ءوتتى.

Eni كومپانياسى قازاقستانداعى ەنەرگەتيكا جانە كومىرتەكسىزدەندىرۋ جوبالارىنا قوماقتى ۇلەس قوسۋدا. وسى باعىت اياسىندا بىرقاتار بىرلەسكەن جوبا جۇزەگە اسىرىلىپ جاتىر. اتاپ ايتقاندا، اقتوبە وبلىسىندا قۋاتى 100 مۆت بولاتىن جەل ەلەكتر ستانساسىنىڭ قۇرىلىسى بويىنشا جوبا ىسكە اسىرىلۋدا جانە تۇركىستان وبلىسىندا قۋاتى 50 مۆت بولاتىن كۇن ەلەكتر ستانساسىنىڭ قۇرىلىسى اياقتالۋدا.

كەزدەسۋ بارىسىندا ۇكىمەت باسشىسىنىڭ قاتىسۋىمەن بىرقاتار قۇجاتقا قول قويىلدى. ايتالىق، «قازمۇنايگاز» ۇك» اق مەن Eni كوم­پانياسى اراسىندا ەلەكتر ەنەرگياسىن ءوندىرۋ جانە ىسكە اسىرۋ ءۇشىن ەنەرگەتيكالىق كوشۋ جوبالارىن ازىرلەۋدەگى ىنتىماقتاستىق تۋرالى جانە قازاقستاندا اۋىل شارۋاشىلىعى جانە سۋتەگى جوبالارىن دامىتۋ تۋرالى مەمو­راندۋمدارعا قول قويىلدى.

سونىمەن قاتار ەكولوگيا، گەولوگيا جانە تابيعي رەسۋرستار مينيسترلىگى، «قازگەولوگيا» اق مەن Eni كومپانياسى اراسىندا قازاقستان اۋماعىندا جەر قويناۋىن پايدالانۋ جوبالارىن بىرلەسىپ ىسكە اسىرۋ ماسەلەلەرى بويىنشا ىنتىماقتاستىق تۋرالى مەموراندۋمعا قول قويىلدى.

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار